Finalaurrekoak eta finala maiatzaren 25ean Arrigorriagan 2024-05-14

Bizkaiko Taldekakoa azken txanpan

Taldekako Txapelketak iritsi da azken txanpara eta maiatzaren 25ean jokatuko dira finalaurrekoak eta finala Arrigorrian. Arratsaldean finalaurrekoan eta gauean finala. Martxoaren 15a eta maiatzaren 3a bitartean zortzi kanporaketa jokatu dira, eta kanporaketa bakoitzeko talde irabazleak finalaurrekoetan kantatzeko aukera irabazi du, horrez gain, finalaurrekoetan parte hartuko duen bederatzigarren taldea zozketaz erabaki da, aurreikusita bezala.

Egun handia Arrigorriagan izango da maiatzaren 25ean. Arratsaldean zehar hiru taldez osatutako hiru finalaurreko jokatuko dira, eta saio bakoitzeko irabazlea gauean jokatuko den finalera sailkatuko da.

Honela gelditu dira finalaurrekoak:

    1. finalaurrekoa, 16:00etan Arrigorriagako eskolan:
        Pirata bertso-taldea
        Troiako zaldia
        Zapatilapeko txikliek

    2. finalaurrekoa, 17:30ean Arrigorriagako kaleetan:
        LauBuru
        LeartiBai+
        Zornotzako Bertso Oskola

    3. finalaurrekoa, 19:00etan Arrigorriagako kaleetan:
        Durangalduek
        Far West
        Taket

    Finala, 22:00etan izango da Elizondo jatetxean.

  Finalaurreko bakoitzeko talde irabazleek kantatuko dute finalean.

Egun osoko jaia
Maiatzaren 25ean Bizkaiko bertsolaritzaren egun osoko jaia izango da Arrigorriagan, goizean Bizkaiko eskolarteko finalak jokatuko baitira.

10:00etan eskolarteko idatzizko finala izango da Arrigorriagako eskolan. Bertan, 200 ume eta gaztetxo inguru batuko dira, eta adinaren arabera, 6 mailatan lehiatuko dira. Ostean, 11:30ean bat-bateko txapelketaren finala izango da.

    Bazkari txartelak, 12€-ren truke, bertsosarrerak.eus atarian.

Eguerdian, eskolartekoa eta taldekakoa batuz, bazkaria egingo da, 14:30ean, paella erraldoia egingo da eskolako patioan bertan.

Taldekako saio batetik besterako tarteak alaitzeko, gainera, Ein GO taldea izango dugu lagun.