150 lagunek hartuko dute parte ardura ezberdinetan 2025-01-20

Hamalau taldek hartuko dute parte Arabako Kuadrilla artekoan

Urtarrilaren 22an abiatuko da Arabako bertso Kuadrilla artekoaren zortzigarren edizioa: 150 parte hartzaile izango ditu 14 taldetan banatuta; 19 saio izango ditu Araba osoan barrena eta finala Gasteizen apirilaren 5ean. Arabako Bertsozale Elkarteak larunbatean aurkeztu zuen ekitaldia Gasteizen, taldeetako ordezkariak bertan zirela. Inkonstantinkoplan potoz poto (Gasteiz) taldeko Gerezti Unanue eta 4 gara (Lautada) taldeko Aitor Najerak eta Egoitz Iradier Arabako Bertsozale Elkarteko Sustapen arduradunak hartu zuten hitza.



Talde bakoitzak bertso eguna bere herri edo eskualdean
2025eko Arabako Kuadrilla artekoak, 2018tik honako Kuadrillarteko edizioei jarraiki txapelketa formatua izango du baina lehia aurreko fasean, 2014 eta 2016ko topaketa ereduari jarraiki talde bakoitzak bere herri edo eskualdean Kuadrillako Bertso Eguna antolatuko du. Beraz, 14 Kuadrillako bertso egun burutuko dira Arabako 8 eskualdeetan. Ondoren 4 finalaurreko eta finala.

Parte hartuko duten eskualdeak: Aiaraldea, Arabar Errioxa, Mendialdea, Trebiñu, Añana, Lautada, Gorbeialdea (lau talde) eta Gasteiz (lau talde).

Taldeak 9-12 lagunez osatuta egongo dira: 3-6 bertsolari, gai-jartzailea, epailea, audio grabatzailea, kronikagilea, argazkilaria… 76 lagun bertsotan, 17 epaile lanetan, 21 lagun gai jartzaile lanetan eta beste hamaika laguntzaile.

Urtarrilaren 22tik apirilaren 5era

Bertso-eskolen eta Arabako Bertsozale Elkartearen arteko antolakuntza konpartitua, izaera kolektiboan eta bertsolaritza herrikoian oinarrituta, urtarrilaren 22tik apirilaren 5era bitarte luzatuko da aurtengo edizioa.

Kuadrillako bertso egunak (14 saio)

Gasteizko bertso egunak
1-Otsailak 1, larunbata
2-Otsailak 14, ostirala  (2 ekimen)
3-Otsailak 20, osteguna

Aiaraldeko bertro eguna. Otsailak 1, larunbata Areta

Gorbeialdeko bertso egunak
1-Otsailak 1, larunbata Aramaio
2-Otsailak 7, ostirala Aramaio
3-Otsailak 14, ostirala Legutio
4-Otsailak 21, ostirala Izarra

Lautadako bertso eguna: otsailak 7, ostirala Agurain
Añanako bertso eguna: otsailak 8, larunbata Kuartango
Mendialdeko bertso eguna: otsailak 15, larunbata Lurkoi-Elortza
Trebiñuko bertso eguna: otsailak 22, larunbata Argantzun

Lau finalerdi eta finala
Arabako Kuadrilla artekoak lau finalerdi izango ditu otsailaren 28tik martxoaren 23ra, Narbaizan, Aramaion, Amurrion eta Gillernan. Ondoren finala, Gasteizen apirilaren 5ean.