Curriculumak abenduaren 8rako bidali bear dira 2009-12-01

Euskal Herriko Bertsozale Elkarteak ikerkuntza sailerako eragilea behar du

 Euskal Herriko Bertsozale Elkartea Ikerkuntza sailerako eragile bila dabil. Interesatuta dagoenak abenduaren 8rako bidali beharko du curriculuma. Horretarako, bi aukera daude. Nahi duenak e-mailez bidal dezake, honako helbide honetara: a.zerain@bertsozale.com. Bestela, posta arruntez ere igor daiteke, hona:

 Euskal Herriko Bertsozale Elkartea
 Nagusia 70
 20150 Villabona
 Gipuzkoa

 Eragile berria urtarrilean hasiko da lanean, egun erdiko dedikazioz. Dena den, etorkizunean %100eko dedikazioa izatea aurreikusten da. Lehenengo 6 hilabeteak froga alditzat hartuko dira. Elkartearen egoitzan egin beharko du lan. Honako hauek izango dira bere zereginak:

 -Ikerketa premiak identifikatzea eta proposatzea
 -Ikerkuntza alorreko proiektuen antolaketa, kudeaketa eta gauzatzea: Bertsolamintza, EHUko eta UEUko ikastaroak...
 -Herrialde eta Nazio mailako Ikerkuntza alorreko proiektuen koordinazioa.
 -Ikerkuntza Batzordearen eragiletza eta koordinazioa.
 -Elkarteko Kudeaketa Batzordean partaidetza aktiboa.
 -Mintzolako zuzendariarekin koordinazioa.

 Honako gaitasun nagusi hauek baloratuko dira hautaketa prozesuan:

 -Euskalduna izatea
 -Ikasketak: Erdi edo goi-mailako ikasketak eginak izatea.
 -Bertsolaritzaren eta bertsolaritza eragileen ezagutza sakona.
 -Giza Taldeak kudeatzeko eta taldean lan egiteko gaitasuna.
 -Antolaketarako eta planifikaziorako gaitasuna.
 -Aurrekontuak egin eta baliabide ekonomikoak kudeatzeko gaitasuna.
 -Lanerako autonomia eta nortasuna erabakiak hartzeko
 -Gidatzeko baimena izatea eta mugitzeko prest egotea.

 Horrez gain, honako jakintza eta esperientzia hauek baloratuko dira:

 -Bertsozale Elkartea ezagutzea eta bere proiektuetan partaide izatea.
 -Kudeaketa arloko esperientziak, erakunde nahiz herri mugimenduetan.
 -Ikerkuntza arloko ezagutza eta esperientziak izatea.
 -Bertsolaritzaren esparruan esperientzia izatea.
 -Baliabideen kudeaketa edota ikerkuntzari lotutako ikasketak.
 -Hizkuntzak: euskaraz maila jasoa eta gaztelera, frantsesa edo ingelera jakitea baloratuko da.
 -Teknologia berrien ezagutza eta erabiltzeko gaitasunak.

• 
•