'Xalbador, Urepeleko artzaina' Getxo Folk jaialdian 2026-07-22
Xalbadorren omenezko ikuskizuna Getxon irailean
Jexux Mari Irazu
Aurten beteko dira 50 urte Fernando Aire Xalbador bertsolaria hil zela, Urepelen bertan, bere omenaldi egunean, eta Odolaren mintzoa bere liburuaren aurkezpen egunean. Urteurrenaren harira, Xalbador, Urepeleko artzaina ikuskizuna estreinatuko dute Getxo Folk jaialdiaren baitan, Joxean Goikoetxeak eta Koldo Amestoy gidatuta. Irailaren 13an izango da, Muxikebarri aretoan, eta sarrerak uztailaren 27an jarriko dira salgai. 
Joxan Goikoetxea, Gorka Mostajo eta Xabier Paya, gaur, 42. Getxo Folk jaialdiaren kartelarekin. GETXOKO KULTUR-ETXEA
Diziplina anitzeko ikuskizuna izango da. Xalbadorren bertsoek izango dute presentzia bere biloben ahotik, Aire Ahizpak kantatuta. Oholtzan bertsotan, berriz, Xabier Amuriza eta Amets Arzallus ariko dira. Xabier Amuriza epaile izan zen 1967koTxapelketako txistualdi sonatu hartan.
Ikuskizunak «Urepelgo artistaren unibertso poetiko eta musikala oholtzaratuko du», Aire Ahizpak, Xabier Amuriza eta Amets Arzallusekin batean, Pantxix Bidart eta Olaia Inziartek hartuko dute parte. Julio Andrade, Iker Lope de Bergara, Oriol Flores eta Mario Mas musikariek ere parte hartuko dute ikuskizunean.
Sarrera salgai
Xalbador, Urepeleko artzaina ikuskizunerako sarrerak salgai daude, Getxo Folkeko beste sarrerekin batean.
