"Hernani Bertsotan" proiektuaz ariko dira 2010-01-13

Oiartzun eta Oñatiko saioak emango ditu Hitzetik Hortzerak

 Aste honetan ere Hitzetik Hortzera programa izango da. Aste honetako programan bi saiori eskeiniko diote tarterik handiena. Alde batetik, urtarrilaren 5ean Oñatin izandako jaialdia eskeiniko dute. Honako bertsolari hauek kantatu zuten bertan:

 Maialen Lujanbio
 Andoni Egaña
 Beñat Gaztelumendi
 Uxue Alberdi
 Amets Arzallus
 Aitor Mendiluze

 Gai-jartzaile lanetan Egoitz Aizpuru aritu zen.

 Bestalde, joan zen igandean Oiartzunen izan zen urteroko saioa ere emango dute. 2000 lagun elkartu ziren kiroldegian saioa jarraitzeko, eta honako bertsolari hauek aritu ziren kantuan:

 Maialen Lujanbio
 Jon Martin
 Andoni Egaña
 Jon Maia
 Aitor Sarriegi
 Aitor Mendiluze
 Amets Arzallus
 Unai Iturriaga
 Sustrai Colina

 Gaiak Unai Elizasuk ipini zituen.

 Aste honetan ere elkarrizketa egingo dute erredakzioan. Eñaut Agirre eta Jexux Mari Irazu izango dira bertan, "Hernani Bertsotan" proiektua aurkezteko. Proiektuak Hernaniko Bertso Eskolaren, Hernaniko Udalaren eta Gipuzkoako Foru Aldundiaren laguntza jaso du. Helburua bersolaritzak Hernanin izan duen presentzia eta garrantzi historikoa aztertzea da.

 Horrez gain, omenaldi bat ere egingo diote Juan Ibarzabal "Buztarri" bertsolariari. Urte amaieran hil zen. Hala, zuri-beltzekoan kamionero bati jarri zizkion bertsoak emango dituzte. HH Zappingean, berriz, Uztapidek eta biek bizi izandako pasadizoa kontatuko dute.

 Programa bi egunetan emitituko dute. ETB3an ostegunean izango da, gaueko 22etan. ETB1en, berriz, igande bazkalostean emango dute, 15etan.

• 
•