Bertxoko Sariketa 2010-11-15

Julio Soto eta Ainhoa Mujikak egin dute aurrera

 Joan zen ostiralean jokatu zen Bertxoko Sariketako bigarren kanporaketa Laudioko Basalarrina elkartean. Olatz Bayer gai-jartzaile zela honako bertsolari hauek kantatu zuten:

 Ainhoa Mujika
 Julio Soto
 Izar Mendiguren
 Aimar Karrika
 Iker Agirre
 Peio Ormazabal

 Bertsolarien agur bereziekin hasi zen saioa, eta hortik aurrerakoa ere ondo joan omen zen. Azkenean Julio Sotok eta Ainhoa Mujikak egin zuten aurrera eta azaroaren 26ko finalean kantatuko dute Jone Uria eta Odei Barrosorekin batera. Oraindik azkeneko kanporaketa falta da jokatzeko. Ostiral honetan egingo da kanporaketa, Gasteizko Errexala elkartean. Beñat Goitiak gidatuko du saioa eta honako bertsolari hauek kantatuko dute:

 Ander Solozabal
 Gillen Hiribarren
 Asier Azpiroz
 Miren Amuriza
 Iñaki Aleman
 Mikel Artola

 Finala, aipatu bezala, azaroaren 26an jokatuko da Trebiñuko sagardotegian.

 Saio guztiak afalostean egingo dira. Afariak 20:30etan hasiko dira eta saioak, berriz, 22:30etan. Bertara joan nahi izanez gero saioa baino bi egun lehenago erreserba egitea komeni da. Horretarako telefonoz dei daiteke honako zenbaki honetara: 675707971. E-mailez ere egin daiteke: araba.sustapena@bertsozale.com

• 
•