Urteroko jaialdia Gezala aretoan 2011-02-22

Mainontzik antolatutako jaialdia Lezon

Egaña, Zubeldia, Lizarralde eta Rezola aritu ziren Lezon bertsotan, Mainontzi bertso eskolak antolatutako jaialdian, Naroa Sasietaren esanetara. Saio polita joan zen eta jendeak gogotik txalotu zituen bertsoak. Zubeldia Pasaian galduta ibili zen Lezora bidean eta horrekin eman zion hasiera agurreko bertsoan. Gero, titularrak ematen jarri zituen Sasietak lau bertsolariak. Ondorengo lanetatik, honako hauek apartatu ditugu: Egaña eta Lizarralde, armei uko egin eta hitzketan hasi diren bando banatako bi soldaturen paperean;  Rezolak eta Zubeldiak, "gaur ere afaltzen isil-isilik" gaiarekin egindako ofizioa;  Lizarralderen bakarkakoa non jaiotzea gustatuko litzaioken galdetuta, batez ere bigarren bertsoa, Egañaren bakarkakoa, atzekoekin tebista programa egiteko aginduta, eta Zubeldiaren lana San Valentin egunaz, batez ere bigarren bertsoa.

• 
•