Bertsolamintzako azken egunean 2011-03-15

Gogoeta ondoko jaialdi esperimentala Villabonan

Larunbatean bukatu zen Bertsolamintza jardunaldia eta goizeko gogoeta saioaren ondoan, arratsaldean bertsoek izan zuten protagonismoa. Imanol Lazkano, Unai Iturriaga, Beñat Gaztelumendi, Jone Uria, Julio Soto eta Amets Arzallus aritu ziren Andoni Egaña eta Egoitz Aizpururen esanetara. Espero izatekoa zen baino entzule gutxiago eta bertsoaldi onak utzi zituen saioa izan zen, giroak gehiegi lagundu ez arren. Nabarmentzekoak, Beñat Gaztelumendik atzekoen hilobian idatzitako epitafioak, Lazkano eta Arzallusen arteko puntukakoa, Uria, Iturriaga eta Lazkanoren zortziko txikia, txiste kontatzearen inguruan, besteak beste. Horiek eta beste batzuk Bertsoa.com-en izango dituzue laister.

• 
•