Bizkaia eta Iparraldeko txapelketak 2008-10-19

Zeanurin Igor Elorza irabazle eta Garazin Maddalen Arzallus eta Colina berdinduta Iparraldeko finalera

Bertsoa.com-ek bi txapelketetako bertsoak jarriko ditu aste honetan.
Igor Elorzak koska kendu zien beste bostei eta azken finalaurrekoan izango da. Oraingoz Xabi Paya eta Etxahun Lekue ditu bertsolagunak, eta azken kanporaketako irabazlea ere hor izango da. Iturriagak kanporaketa horretan kantatzen du. Zeanurin bigarren sailatu zenak, Arrate Illarok oraingoz bigarren puntuazio onena du Eñaut Intxaurragaren atzetik, (sei sailkatuko dira puntuen arabera) eta finalaurrerako aukerak ditu. Zeanurin 300 lagun bildu ziren.

Sailkapena:
Igor Elorza             424,5 puntu eta zuzenean finalaurrera
Arrate Illaro           369,5
Eñaut Uruburu     367
Iker Belaustegi     361,5
Iñaki Iturrioz          359
Itsaso Paia            345

Iparraldeko txapelketak Donibane Garazin ekin zion eta emozioz hasi ere. Maddalen Arzallusek Sustrai Colinak adina puntu lortu zituen eta biak dira finalerako. Kristiñe Txoperena gelditu zen hirugarren eta beste aukera bat izango du Donibane Lohitzunerako. Xumai Muruak beste saioetak puntuazioren zain egon beharko du. Saio polita eta maila onekoa izan zen Garazikoa. Lau lehenbizikoek behintzat bertso ederrak bota zituzten. Gillen Hiribarrenek ere maila polita erakutsi zuen. Xan Alkhat ibili zen gora-beheratsuen, baina, ale politak ere utzi zituen. Saio bukaeran, Sustrai  Colinak Bertsoa.com-i adierazi zion,bere lanarekiko sentsazio gazi-gozoa zuela, beharbada borobiltzea falta izan zitzaiolako. Halare, Colinak errez egin zuen bertsotan eta ironiaz bota zuen finaletan sentsazio hobeak izaten dituela. Maddalen Arzallusek irripar handiagoa zuen, lorpen handia baitzen Colinaren pare gelditzea. Aitortu zuen ordea, bere helburua Euskal Herriko txapelketarako sailkatzea dela, eta beraz Garazikoa pauso bat izan zela.

Saikapena
Maddalen Arzallus      336,5  finalera
Sustrai Colina              336,5  finalera
Kristiñe Txoperena     327      Urdiñarbeko kanporaketara
Xumai Murua                308
Gillen Hiribarren          287,5
Xan Alkhat                     270,5

Albiste gehiago

Jone Larrinaga Dañobeitia - Bertsolari Bertsozale Podkasta 2024-03-28

«Bertsolaritzaren garapena aberatsagoa da espektatibarik gabe»

Mikel Artola Izagirre - Gipuzkoako Bertsozale Elkarteko koordinatzailea 2024-03-26

«Gipuzkoan 10-50 urte bitarteko bertsolari ia denek kantatuko dute udaberrian»

Juanjo Uria Zubiarrain - Bertsolari bertsozale podkasta 2024-03-15

Juanjo Uria: bertsoa eragiletzatik eta pasiotik bizi duen hernaniarra

Araitz Katarain, Izaro Bilbao eta Janire Arrizabalaga - elkarrizketa 2024-03-13

«Bertso munduratze prozesu horretan sortzen diren gatazkak gorpuztuko ditugu, mimoz, arduraz eta umorez»

Larunbat gauean 21:00etan ETB1en 2024-03-07

Hitzetik Hortzera Xabier Rico Arabako txapel emailearekin