DF Bertsozale Eskola 2011-05-03

Osteguneko jardunaldia bertan behera geratu da

 Ostegun honetakoan zen hastekoa DF Bertsozale Eskola. Durangoko Plateruena Kafe Antzokian antolatu dute ikastaroa. Dena den, astebete atzeratuko da ikastaroaren hasiera. Hala, berez hiru hitzaldi eta bertso-saio bat egin behar bazituzten ere, azkenean bi hitzaldi eta saioa egingo dituzte. Saio guztiak iluntzeko 20etan izango dira, Plateruenan bertan. Honako hau da egitaraua:

 MAIATZAREN 12a, OSTEGUNA
 "Ofiziotan eta teman, gauza bera ote?" hitzaldia, Iñaki Muruak gidatuta. Zenbait bertsoaldi komentatuko ditu adibide moduan.

 MAIATZAREN 19a, OSTEGUNA
 "Bakarkako lana: sententziatik iradokizunera" hitzaldia, Amaia Agirre hizlari dela. Hemen ere hainbat bertsoaldi komentatuko ditu.

 MAIATZAREN 26a, OSTEGUNA
 Bertso-saioa:
  Unai Iturriaga
  Gorka Lazkano
  Iratxe Ibarra
  Eneko Abasolo "Abarkas"
   Maite Berriozabalek jarriko dizkie gaiak

 Gauzak honela, izena emateko epea ere astebete atzeratuko dute, eta maiatzaren 10era arte zabaldu dute aukera. Horretarako aski da kultura@plateruena.net helbidera idaztea edo Plateruenako barran bertan izena ematea. 10 eurotan jarri dute matrikula.

 Gainera, Plateruena Kafe Antzokiak saioak zuzenean jarraitzeko aukera emango die bertaratzerik ez daukatenei. Streaming bidez internetez jarraitu ahal izango da emankizuna. Honako hau da lotura.

 Horrez gain, iazko edizioaren laburpentxo bat ere egin dute bideo formatuan. Bertan, Andoni Egaña, Agin Rezola, Iñaki Aurrekoetxea, Maite Berriozabal, Unai Elizasu, Eider Rodriguez eta Asier Altuna ageri dira hizlari. 

• 
•