Gipuzkoako Bertsolari Txapelketa 2011-05-05

"Inoizko txapelketarik handiena izango da aurtengoa"

  Igandean hasiko da 2011ko Gipuzkoako Bertsolari Txapelketa, Orion. Guztira 76 bertsolari ariko dira lehian 8 hilabete iraungo duen txapelketan. Atzo egin zuten aurkezpena Orion bertan, eta han izan ziren Saroi Jauregi (Gipuzkoako Bertsozale Elkarteko lehendakaria), Oroitz Azurmendi (Gipuzkoako Bertsolari Txapelketako koordinatzailea) eta Unai Manterola (Orioko Errikotxia bertso-eskolako kidea). Oroitz Azurmendik azaldu zuenez "inoizko txapelketarik handiena" izango da aurtengoa. Hala, gogoeta "sakon" baten ondoren txapelketa udaberrian hastea erabaki dute. 76 bertsolarietatik 60 hasiko dira lehenengo fase honetan, horietatik 23 sekula txapelketan aritu gabeak. Goizez eta arratsaldez egingo dira saioak, eta bertsolari bakoitzak bi saio izango ditu, bata goizez eta bestea arratsaldez, epaile-talde ezberdinekin. Honako hau izango da maiatzeko egutegia:

 MAIATZAREN 8a, IGANDEA
 Orioko Herri ikastolan, 11:30etan
  Andoni Otamendi
  Andoni Goitia
  Arnaitz Lasarte
  Josu Oiartzabal "Xamoa"
  Julen Agirreburualde
  Endika Igartzabal
   Aurkezlea: Saroi Jauregi

 MAIATZAREN 8a, IGANDEA
 Orioko Herri ikastolan, 17:30etan
  Ibai Esoain
  Mikel Olaizola
  Nekane Zinkunegi
  Antton Fernandez
  Mikel Artola
  Gorka Azkarate
   Aurkezlea: Jon Zaldua

 MAIATZAREN 14a, LARUNBATA
 Mutrikuko Zabiel kultur etxean, 11:30etan
  Oihana Iguaran
  Jokin Uranga
  Egoitz Eizagirre
  Mikel Arrillaga
  Joseba Andoni Agirre
  Gorka Maiz
   Aurkezlea: Iban Narbaiza

 MAIATZAREN 14a, LARUNBATA
 Mutrikuko Zabiel kultur etxean, 17:30etan
  Beñat Alberdi
  Unai Gaztelumendi
  Zigor Iriondo
  Nerea Elustondo
  Iban Urdangarin
  Nahikari Gabilondo
   Aurkezlea: Iban Narbaiza

 MAIATZAREN 14a, LARUNBATA
 Alegiko Inaxio Begiristain kultur etxean, 11:30etan
  Iñigo Izagirre
  Alaia Martin
  Josu Igartua
  Maialen Velarde
  Imanol Lizarazu
  Oier Aranzabal
   Aurkezlea: Imanol Arabaolaza

 MAIATZAREN 14a, LARUNBATA
 Alegiko Inaxio Begiristain kultur etxean, 17:30etan
  Joseba Barandiaran
  Gorka Etxeberria
  Manex Mujika
  Ainhoa Mujika
  Manex Mantxola
  Ane Labaka
   Aurkezlea: Imanol Arabaolaza

 MAIATZAREN 15a, IGANDEA
 Soraluzeko herri antzokian, 11:30etan
  Asier Sasieta
  Amaia Iturriotz
  Agin Rezola
  Jokin Labayen
  Urko Egaña
  Iker Osa
   Aurkezlea: Itziar Etxezarreta

 MAIATZAREN 15a, IGANDEA
 Soraluzeko herri antzokian, 17:30etan
  Iñigo Gorostarzu
  Josu Oiartzabal "Xenpelar"
  Beñat Lizaso
  Felix Zubia
  Xabi Astigarraga
  Odei Lopez
   Aurkezlea: Itziar Etxezarreta

 MAIATZAREN 15a, IGANDEA
 Lezoko Gezala aretoan, 11:30etan
  Eñaut Uriarte
  Eneritz Arzallus
  Manu Goiogana
  Ander Lizarralde
  Adur Gorostidi
  Julen Agirre
   Aurkezlea: Kepa Isasi

 MAIATZAREN 15a, IGANDEA
 Lezoko Gezala aretoan, 17:30etan
  Iñaki Apalategi
  Beñat Iguaran
  Aitor Urbieta
  Haritz Casabal
  Asier Azpiroz
  Oier Aizpurua
   Aurkezlea: Kepa Isasi

 MAIATZAREN 28a, LARUNBATA
 Amezketako kultur etxean, 11:30etan
  Ibai Esoain
  Mikel Olaizola
  Antton Fernandez
  Gorka Etxeberria
  Iñaki Apalategi
  Beñat Iguaran
   Aurkezlea: Irati Arrieta
 
 MAIATZAREN 28a, LARUNBATA
 Amezketako kultur etxean, 17:30etan
  Andoni Otamendi
  Andoni Goitia
  Iñigo Izagirre
  Alaia Martin
  Eñaut Uriarte
  Eneritz Arzallus
   Aurkezlea: Irati Arrieta

 MAIATZAREN 28a, LARUNBATA
 Usurbilgo Sutegi aretoan, 11:30etan
  Beñat Alberdi
  Unai Gaztelumendi
  Zigor Iriondo
  Iñigo Gorostarzu
  Josu Oiartzabal "Xenpelar"
  Iban Urdangarin
   Aurkezlea: Haitzol Olaiz

 MAIATZAREN 28a, LARUNBATA
 Usurbilgo Sutegi aretoan, 17:30etan
  Oihana Iguaran
  Jokin Uranga
  Egoitz Eizagirre
  Asier Sasieta
  Amaia Iturriotz
  Agin Rezola
   Aurkezlea: Haitzol Olaiz

 MAIATZAREN 29a, IGANDEA
 Gabiriko Saloian, 11:30etan
  Nekane Zinkunegi
  Joseba Barandiaran
  Manex Mujika
  Ainhoa Mujika
  Aitor Urbieta
  Haritz Casabal
   Aurkezlea: Mikel Aiertza

 MAIATZAREN 29a, IGANDEA
 Gabiriko Saloian, 17:30etan
  Arnaitz Lasarte
  Imanol Lizarazu
  Iosu Igartua
  Maialen Velarde
  Manu Goiogana
  Ander Lizarralde
   Aurkezlea: Mikel Aiertza

 MAIATZAREN 29a, IGANDEA
 Aretxabaletako Arkupe kultur etxean, 11:30etan
  Nerea Elustondo
  Beñat Lizaso
  Nahikari Gabilondo
  Felix Zubia
  Xabi Astigarraga
  Odei Lopez
   Aurkezlea: Irati Agirreazaldegi

 MAIATZAREN 29a, IGANDEA
 Aretxabaletako Arkupe kultur etxean, 17:30etan
  Mikel Arrillaga
  Joseba Andoni Agirre
  Gorka Maiz
  Jokin Labayen
  Urko Egaña
  Iker Osa
   Aurkezlea: Irati Agirreazaldegi

 EKAINAREN 5a, IGANDEA
 Zumarraga-Urretxuko Zelai Arizti aretoan, 11:30etan
  Mikel Artola
  Gorka Azkarate
  Manex Mantxola
  Ane Labaka
  Asier Azpiroz
  Oier Aizpurua
   Aurkezlea: Inazio Usarralde
 
 EKAINAREN 5a, IGANDEA
 Zumarraga-Urretxuko Zelai Arizti aretoan, 17:30etan
  Julen Agirreburualde
  Endika Igartzabal
  Josu Oiartzabal "Xamoa"
  Oier Arantzabal
  Adur Gorostidi
  Julen Agirre
   Aurkezlea: Inazio Usarralde

 Goiz eta arratsaldeko saioen artean bazkariak antolatuko dituzte. Saioetarako sarrerak salgai daude jada interneten.

 Udaberriko fase honetan bertso-eskolek paper berezia izango dutela nabarmendu zuten atzoko prentsaurrekoan. Hala, antolaketa lanetan saioa jokatuko den herriko bertso-eskolako kideak ariko dira. Orioko kasuan, Errikotxia bertso-eskola ariko da lanean, eta bertako ordezkari moduan joan zen prentsaurrekora Unai Manterola. Azaldu duenez "ohore bat" da beraientzat txapelketa herrian hastea. "Txapelketaren irudia bertsolariak izango badira ere, bertso-eskolen eta bertsozaleen txapelketa izango da aurtengoa" nabarmendu zuen. Gainera, bertso-eskoletan bertsolaritzaz gain bestelako balore asko transmititzen direla azaldu zuen.

 Udaberriko fase honen ondoren etenaldia egingo du txapelketak udan, eta irailean itzuliko da, final-zortzirenekin. Han, lehenengo fasetik sailkatutako 32 bertsolariei beste 10 batuko zaizkie, orain dela 4 urte finalerdietan aritutakoak hain zuzen ere. Hala, zazpi saio jokatuko dituzte fase honetan:

 IRAILAREN 17a, LARUNBATA
 Adoaingo Bastero kulturgunean
  Iñigo Manzisidor, "Mantxi"
  Amaia Agirre

 IRAILAREN 18a, IGANDEA
 Azkotiko Baztartxo antzokian
  Xabier Sukia
  Arkaitz Oiartzabal "Xamoa"

 IRAILAREN 24a, LARUNBATA
 Eibarko Coliseo antzokian
  Iñaki Gurrutxaga

 IRAILAREN 25a, IGANDEA
 Lazkaoko Areria kulturgunean
  Unai Muñoa

 URRIAREN 1a, LARUNBATA
 Lasarteko Manuel Lekuona kultur etxean
  Joxe Munduate

 URRIAREN 8a, LARUNBATA
 Elgoibarko herriko antzokian
  Uxue Alberdi
  Ainhoa Agirreazaldegi

 URRIAREN 9a, IGANDEA
 Irungo Amaia antzokian
  Iñaki Zelaia

 Fase honetatik beste 24 bertsolari pasako dira final-laurdenetara. Han orain dela lau urteko finalisten artean izena eman duten seiak sartuko dira lehian. Honako saio hauek jokatuko dira bertan:

 URRIAREN 22a, LARUNBATA
 Oñatiko Zubikoa kiroldegian
  Jexux Mari Irazu

 URRIAREN 23a, IGANDEA
 Villabonako Olaederra kiroldegian
  Unai Agirre
  Beñat Gaztelumendi

 URRIAREN 29a, LARUNBATA
 Hondarribiko Hondartza kiroldegian
  Aitor Sarriegi

 URRIAREN 30a, IGANDEA
 Idiazabalgo Igaondo pilotalekuan
  Jon Martin

 AZAROAREN 6a, IGANDEA
 Azpeitiko Izarraitz pilotalekuan
  Iker Zubeldia

 Ondoren, finalerdiak egingo dira 18 bertsolarirekin. Honako hauek izango dira kokalekuak:

 AZAROAREN 20a, IGANDEA
 Arrasateko Uarkape pilotalekuan

 AZAROAREN 27a, IGANDEA
 Tolosako Usabal kiroldegian

 ABENDUAREN 4a, IGANDEA
 Hernaniko Galarreta pilotalekuan

 Azkenik, abenduaren 18an egingo da finala, Donostiako Illunben.

 G-Puntua topagune

 Guztira 106 parte-hartzaile izango ditu aurtengo txapelketak: 76 bertsolari, 15 epaile eta 15 gai-jartzaile. Atzoko prentsaurrekoan nabarmendu zutenez, Gipuzkoan bertsolaritza "sendotu eta indartu" denaren seinale da hori. Saroi Jauregik azaldu zuen "hezkuntza arautuko proiektuak elikatzen duela bertsolaritza". Guztira 8700 ikasle baino gehiagorengana iristen dira, 9 bailaratako 49 herritako 110 ikastetxetan. Gainera, Gipuzkoako bertso-eskoletan 880 ikasle dabiltza gaur egun. Horietatik gehienak haurrak dira.

 Oroitz Azurmendik azaldu zuen aurten ere G-Puntua leloari eutsiko diola txapelketak. Batetik, orain dela 4 urte ere oihartzun zabala izan zuelako. Eta, bestetik, "Gipuzkoako bertsolaritzaren ikurrak izena eta irudia" behar dituelako. Txapelketa Gipuzkoako bertsolaritzaren isla izatea nahiko lukete. Oroitz Azurmendik azaldu zuenez, txapelketa denek ilusioa sortzen badute ere aurtengoak "ilusio berezi bat" eragin die antzolatzaileei. Bertsozaleek eta bertso-eskolek txapelketan parte hartzea nahi dute. Horretarako, txapelketak oihartzun mediatiko progresiboa izango du, bai edukietan eta bai inpaktuetan. Horren bidez Gipuzkoako Bertsozale Elkartearen proiektua indartu eta gizarteratu nahiko lukete.

 Denaren gainetik txapelketak "topagune" izan nahiko luke. Horri lotuta dago bertso-eskolen partehartzea. "Sare bat" osatu nahiko lukete. Horretarako, hainbat bide jarraituko dituzte. Batetik, sare sozialetan presentzia nabarmena izango du aurtengo txapelketak, bai facebooken, bai twitter-en eta baita berriketan.info-n ere. Web orria ere izango du, "ahalik eta dinamikoena". Eta, bukatzeko, ekimen berezi bat ere prestatu dute, aurtengo sintoniari lotuta. Elkano Browning Cream taldeak egin du aurtengo sintonia. Udaberriko saioetan letrarik gabea izango da. Dena den, bertso-eskolen artean lehiaketa bat jarri dute abian sintoniari letra jartzeko. Irabazten duen bertso-eskolak jarritako letra izango du sintoniak udazkeneko fasean.

 Atzoko prentsaurrekoaren berri dakarte Berriak, Garak eta Diario Vascok ere.

• 
•