Iparraldeko Xapelketa 2008-11-06

Finaleko tenorea Iparraldean

Bertsolariak: Maddalen Arzallus, Sustrai Colina, Ekhi Erremundegi, Miren Artetxe, Xumai Murua, Amets Arzallus, Odei Barroso eta Karlos Aizpuru. Donibane Lohitzunen, Jai Ala frontoian, azaroaren 15ean, 17:00etan.

Finaleko tenorea iritsi zaio Iparraldeko lehen Xapelketari. Donibane Lohitzunen izango da, Jai Ala frontoian, azaroaren 15ean, 17:00etan hasita. Maddalen Arzallus, Sustrai Colina, Ekhi Erremundegi, Miren Artetxe, Xumai Murua, Amets Arzallus, Odei Barroso eta Karlos Aizpurua izango dira zortzi progatonistak. Txapelerako hautagai nagusia bi, baina, beste finalistek ere ikusten dute sospresarako aukera. Denek ilusio berezia dute lehenengo Xapelketa honetako finalean kantatzeko, eta batez ere final ona ateratzeko. Bertsoa.com-ek banan-bana hitz egin zuen zortzi bertsolariekin eta datorren astean ikusgai izango dira beren asmo eta gogoetak.

Orain artekoa arrakasta handiz joan da eta Iparraldeko Bertsularien Lagunak Elkartea oso pozik da bai jendearen erantzunarekin bai bertsolariek egindako lanarekin ere. Finala bertsoaren eta euskararen besta eguna izatea nahi dute eta horretarako egun osoan izango da Donibanen non gozatua. Goizeko 11:00etan hasiko da jaia. Ostatua eta bazkaria izango dira Ereintabil Donibaneko ikastolako guraso elkartearen eskutik, 22 eurotan. Tokia hartzeko. 05 59 54 07 86 (iparraldetik) eta  00 33 559 54 07 86 (hegoaldetik).

Finalean egin beharreko lanei dagokienez, kartzelakoa da berezitasunik handiena. Binaka egingo dute, lehenbizi sei puntukoa eta bakarka gero, bakoitzak gai banarekin. Hona hemen ariketak:
 
-Binaka, gaia emanda, zortziko handian, hiruna bertsu.
-Binaka, gaia emanda, zortziko txikian, hiruna bertsu.
 -Bakarka, lehen puntua emanda, zortziko txikian, bi bertsu
 -Binaka, gaia emanda, hamarreko txikian, hiruna bertsu.
 -Kartzela (binaka):
 -Binaka, gaia emanda, sei puntuko motzean, hiruna bertsu.
 -Bakarka, gaia emanda, nahi den doinu eta neurrian, hiruna bertsu

Txapelaz gain, Euskal Herriko txapelketarako hiru txartel ere jokoan daude Iparraldeko finalean. Amets eta Sustrai, 2005ean finalistak izaki, sailkatuta daude, eta beste hiru postu erabakiko dira azaroaren 15ean

Sarrerak erreserbatzeko

Albiste gehiago

Jone Larrinaga Dañobeitia - Bertsolari Bertsozale Podkasta 2024-03-28

«Bertsolaritzaren garapena aberatsagoa da espektatibarik gabe»

Mikel Artola Izagirre - Gipuzkoako Bertsozale Elkarteko koordinatzailea 2024-03-26

«Gipuzkoan 10-50 urte bitarteko bertsolari ia denek kantatuko dute udaberrian»

Juanjo Uria Zubiarrain - Bertsolari bertsozale podkasta 2024-03-15

Juanjo Uria: bertsoa eragiletzatik eta pasiotik bizi duen hernaniarra

Araitz Katarain, Izaro Bilbao eta Janire Arrizabalaga - elkarrizketa 2024-03-13

«Bertso munduratze prozesu horretan sortzen diren gatazkak gorpuztuko ditugu, mimoz, arduraz eta umorez»

Larunbat gauean 21:00etan ETB1en 2024-03-07

Hitzetik Hortzera Xabier Rico Arabako txapel emailearekin