Plazatik Gaztetxera sariketa 2011-07-06

Ane Labakak jantzi du txapela

Bere atzetik gelditu dira, hurrenez hurren, Aitor Salegi, Beñat Iguaran, Oihana Iguaran, Hodei Iruretagoiena, Peio Ormazabal, Asier Azpiroz eta Ander Zulaika. 90 lagun elkartu ziren Mutrikuko Gaztetxean afaltzera, eta askok kanpoan geratu behar izan zuten.

Joan zen ostiralean jokatu zen Plazatik Gaztetxera sariketako 10. edizioko finala. Mutrikuko Gaztetxean izan zen saioa. 90 bat lagun elkartu ziren afaritan, eta beste askok kanpoan geratu behar izan zuten, ez baitzen denentzako lekurik izan. Finala Asier Juaristik aurkeztu zuen. Honela gelditu zen epaileen sailkapena:

1.- Ane Labakak              153 puntu
2.- Beñat Iguaranek          150,5 puntu
3.- Oihana Iguaranek         149 puntu
4.- Aitor Salegik            146 puntu
5.- Hodei Iruretagoienak     146 puntu
6.- Peio Ormazabalek         146 puntu
7.- Asier Azpirozek          144,5 puntu
8.- Ander Zulaikak           134,5 puntu

Dena den, publikoak Aitor Salegi aukeratu zuen buruz burukoa jokatzeko, eta bera aritu zen Ane Labakarekin batera txapelerako lehian. Azkenean, ordea, lasartearrarentzat izan zen txapela.

Bestalde, finalaren aurretik "Bertsoklip" emanaldia egin zuten, Mutriku eta Markiñako gazte asanbladek aurkeztutako bi lanekin. Irabazlerik zehaztu ez bazuten ere, publikoak bi lanak saritu zituen.