Bertso eskolako kide zein bertsozaleentzat zabalik 2011-10-06

Euskal Herriko bertso-eskolen Topaketa egingo da Lesakan, azaroaren 12an

    Euskal Herriko bertso-eskolen Topaketa izango da azaroaren 12an, Lesakan. Herrialde ezberdinetako helduen bertso-eskolen artean harremanak egitea eta elkarrekin bertsoaz, festaz, lagun taldeaz gozatzea izan dira Topaketa hau sorrarazi duten motiboak.
    Lesakan egun osoko festa egitaraua prestatu dute horretarako, hainbat bertso-eskoletako kideek eta Lesakako Bertso-eskolak. Halabaina, mikrofonoak erabat zabalik egongo dira egunean bertan sortzen denari. Festa egun hau Lesakan elkartzen diren bertso-eskolek egingo baitute.

Egitaraua:
    12:00etan bertso-poteoa, herrian zehar.
    14:00 Bazkaria Linddurrenborda sagardotegian. Ondoren emanaldi bereziak.
    19:00etan bertso saioa Zialdo ostatuan.
    22:00etatik aurrera Oskar Estangarekin festa, Atxaspi ostatuan.


Zirkuituan bertso eskoletako 35 bertsolarik hartuko dute parte: Unai Gaztelumendi, Xumai Murua, Izar Mendiguren, Eneritz Zabaleta, Maddi Ane Txoperena, Josu Sanjurjo, Iñaki Aleman, Eneko Abasolo "Abarkas", Baztango helduen bertso-eskola, Jon Martin, Iñaki Gurrutxaga, Ander Lizarralde, Unai Muñoa, Zarauzko Bertso-eskola, Aitor Sarriegi, Iñaki Viñaspre, Enaitz Alustiza, Ander Solozabal, Ekaitz Samaniego, Enkarterrietako bertso-eskola, Egoitz Aizpuru, Iker Iriarte, Alaia Martin, Xabier Silveira, Iratxe Ibarra, Julen Zelaieta, Oskar Estanga. Eta horiez gain, espontaneoek ere izango dute aukera

Parte hartzea irekia da eta Euskal Herriko bertso-eskoletako kide zein edozein bertsozalerentzat ere ateak zabalik daude.

    Bazkaritarako, sagardotegian izena aurrez eman behar da. Urriaren 31 baino lehen emaila igorriz helbide honetara: bertsoeskolak@gmail.com. Izen-abizenak utzi behar dira, eta kontakturako telefono zenbaki bat. Bazkari txartelak 20¤tan daude.

Informazioa: bertsoeskolak@gmail.com
 
 

• 
•