Arabako Bertsozale Elkarteak eta Hala Bedi Irratiak antolatuta 2011-11-03

Gaur hasiko da Bertxoko Sariketa

 Arabako Bertsozale Elkarteak eta Hala Bedi Irratiak bertsolari gazteentzat urtero antolatzen duten sariketa da Bertxoko. Kanta edo doinu ezagunak hartuta osatu beharreko agurrak bertsozale askoren gogoan geratuko ziren beharbada. Aurtengo edizioa gaur hasiko da. Guztira 18 bertsolari ariko dira kantuan, hiru kanporaketatan banatuta. Afalosteko saioak izango dira denak. Honako hau da egutegia:

 AZAROAREN 3a, OSTEGUNA
 Gasteizko Errexala Elkartean
  Ekaitz Samaniego
  Amaia Lasaga
  Jagoba Apaolaza
  Peio Ormazabal
  Ainhoa Mujika
  Maindi Murua
   Beñat Goitia izango da gai-jartzailea

 AZAROAREN 11a, OSTIRALA
 Kanpezuko Ibernalo etxean
  Ander Solozabal
  Paula Amilburu
  Maite Solozabal
  Ane Labaka
  Maddi Gallastegi
  Ekhi Erremundegi
   "Txiki" izango da gai-jartzailea

 AZAROAREN 18a, OSTIRALA
 Aguraingo Aitxuri Elkartean
  Xabi Igoa
  Izar Mendiguren
  Iker Pastor
  Asier Azpiroz
  Manex Mantxola
  Aimar Karrika
   Miren Garmendia izango da gai-jartzailea

 Finala, berriz, azaroaren 25ean izango da, Aramaioko Iturrieta sagardotegian. Kanporaketa bakoitzeko lehenengo bi sailkatuak ariko dira bertan.

 Saio guztiak afalostean izango dira: afariak iluntzeko 20:30etan hasiko dira eta saioak 22:30etan. Saioa baino bi egun lehenago eman behar da afarirako izena. Bi modu daude horretarako. Telefonoz egin nahi izanez gero hau da zenbakia: 675707971. E-mailez ere egin daiteke, hona idatzita:

 araba.sustapena@bertsozale.com

 Iazko finaleko irudiak ikusgai daude hemen klik eginda. Orduko finalean Julio Soto nagusitu zen, giro ederrean egindako saio baten ondoren.

• 
•