Bertsoaroa Iruñan 2011-11-07

Bertsoaroaren azken astea

Urriaren 20an egin zuten aurtengo Bertsoaroko lehen bertso-saioa. Uxue Alberdi, Sebastian Lizaso, Xabier Silveira, Igor Elortza, Beñat Gaztelumendi eta Julen Zelaieta aritu ziren kantuan eta Andoni Egaña gai-jartzaile lanetan. Bertsozale asko hurbildu zen Gurutze plazako institutura eta ilunabar polita pasa zuten.

Dagoeneko Bertsoaroa murgildu da azken astean eta beste bi ekimen geratzen dira: bihar, "Erregea eta Bufoia" eskainiko dute Ander Lipus eta Unai Iturriagak.

 Ostegunean, berriz, bertso-saio musikatua egingo dute. Bertsotan arituko dira Maialen Lujanbio, Oskar Estanga, Amets Arzallus eta  Jon Maia; eta gai-jartzaile lanetan Ainhoa Aranburu arituko da.

Hori guztia, iluntzeko 8etan Gurutze plazako institutuan.