Taldekako 'Championa' 2012-01-13

Taldekako 'Championa' Xiberoa, Lapurdi eta Baxe Nabarren

Lapurdi, Baxe Nabarre eta Xuberoako bertsolariak Taldekako Championa egiten ari dira, epailerik gabeko liga, duela urte batzuk antolatu zen GR bertso bidea esperientzia gisa hartuta. Eneritz Zabaleta izan da parte hartu duenetako bat, eta berak kontatu dizkigu ekimenaren nondik norakoak. “Bertso eskola da erreferentzia nagusia eta bertso eskolatik lotu ditugu herriak eta eskualdeak” eta belaunaldiak ere bai. Zortzi talde osatu dituzte, bi Xiberoan, bat Baxe Nabarren eta bost Lapurdin. Iparraldean oholtzan ikusi ohi ditugun bertsolariez gain, taldera bildu dituzte, Aitor Sarasua, Jean Loui Arinordoki Laka, Fermin Miura eta Xanti Iparragirre, besteak beste. Helduen bertso eskolako kideak eta bertsotan aritu dira: Joana Itzaina, Mixel Etxekopark eta Erik Etxart, besteak beste.

Joan etorriko saioak eta bukaera Larraldean
Talde bakoitzak gutxienez hiru bertsolari eta gai-emailea zituen eta joan-etorriko saioak izan dira. Talde bakoitzak saio bat antola du bere herrian edo eskualdean, eta gero beste herri batera joan. Zortzi taldek bina saio egin dituzte beraz, herrian bertan bai, baina, medioetan iragarri gabe, hala erabakita. Horri eskerrak, parte hartzaileen zabaldu egin da, eta saioetan ariketa bereziak egiteko aukera ere eman die. Adibidez, saio batean Lakak eta Miurak mozorrotuta egin zuten saioa... Taberna eta elkarte giroko saioak izan dira eta 30-40 lagun bildu dira saioko, eta oso giro onean joan dira.