Behe Nafarroan eta Zuberoan beteko luke bere jarduna 2012-05-22

Bertsularien Lagunak Elkarteak irakaslea behar du

 Iparraldeko Bertsularien Lagunak Elkartea irakasle bila dabil, Behe Nafarroan eta Zuberoan lan egiteko. Urtebeterako lanpostua eskaintzen da, jardun osokoa. Beharrezkoa izango da autoa edukitzea. Lanpostua lortzeko interesa daukanak maiatzaren 31 baino lehen bidali beharko ditu motibazio gutuna eta curriculuma Elkartearen egoitzara. Honako hau da helbidea:

  BERTSULARIEN LAGUNAK
  "Larraldea" Amotze Auzoa
  64 310 Senpere

 Helbide elektronikoa, berriz, honako hau da: bertsularien-lagunak@wanadoo.fr

 Lanpostua lortu ahal izateko honako gaitasun hauek eskatzen dira: bertso-eskoletan eta ikastegietan irakasle izateko gaitasuna; transmisio lan eta ekitaldiak koordinatzeko eta kudeatzeko gaitasuna eta informatika erabiltzeko gaitasuna. Horrez gain, kontutan hartuko da bertsolaritzaren eta Elkartearen proiektuaren gaineko ezagutza, haur eta gazteekin animazioan izandako esperientzia eta irakaskuntzan esperientzia izatea.

 Informazio gehiago nahi izanez gero hau da Bertsularien Lagunak Elkartearen telefono zenbakia: 33 (0)5 59 541504.

• 
•