"Arabako bertso-eskolek 30 urte, 11 opari" 2012-06-05

Arabako txoko askotan ospatuko da bertso-eskolen 30. urteurrena

 Orain dela bi aste aurkeztu zuen Arabako Bertsozale Elkarteak "Bertso-eskolek 30 urte, 11 opari" egitasmoa. Aurten 30 urte beteko dira Araban lehenengo bertso-eskolak sortu zirenetik. Gasteizen eta Laudion erein zen lehenengo hazia, eta hortik aurrera geroz eta talde gehiago sortu dira; Aramaio, Agurain, Legutio eta Amurrion lehenengo eta Oion, Zalduondo, Araia, Maeztu, Murgia eta Kanpezun ondoren. Gaur egun 190 lagunek hartzen dute parte 12 bertso-eskolatan. Denera 30 talde daude Araban.

 Aurten 30. urteurrena izaki Arabako Bertsozale Elkarteak aitzindariak omendu nahi ditu, eta baita kultura eta euskara eragile ezberdinei bertso-saioak dohainik eskaini ere. Apirilean hasi ziren bertso-saioekin, baina datozen egunetan ere bat baino gehiago izango da:

 EKAINAREN 8a, OSTIRALA
 Gaueko 22:30etan Oiongo Taconera tabernan
  Ruben Sanchez
  Orlando Arreitunandia
  Unai Bengoetxea
  Xabi Lopez de Santiago
   Gai-jartzailea: Alazne Garcia

 EKAINAREN 14a, OSTEGUNA
 Iluntzeko 20etan Murgiako Udaletxeko aretoan
  Unai Mendibil
  Serapio Lopez
  Ander Solozabal
  Rikardo Gonzalez de Durana
   Gai-jartzailea: Unai Gomez

 EKAINAREN 21a, OSTEGUNA
 Iluntzeko 19etan Izarrako Kultur Etxean

 EKAINAREN 21a, OSTEGUNA
 Iluntzeko 19etan Legutioko Gaztegunean

 
 Ekimenaren harira, argazki bidezko muntaia bat prestatu dute, Bertsoa.com-en ikusgai dagoena.

• 
•