2012-09-19

Chopin eta Xenpelar elkartu dituzte Xabier Lizasok eta Egañak

Xabier Lizaso piano-joleak eta Andoni Egañak Bi Arreba ikuskizuna aurkeztu zuten atzo Donostian, Koldo Mitxelena Kulturgunean. Frantzisko Petrirena 'Xenpelar' bertsolari handia, behinola Iparragirreri "Musika hoiek utzita/Errenterian bizi naiz eta/ egin zaidazu bisita" bota ziona, konposatzaile eta piano-jole handi baten lagun egin da proiektu berri honetan. Chopin eta Xenpelar dira ikuskizunaren haria, eta bata zein bestearen arrebak damaiote izenburua. Chopin-en konposizioak eta Xenpelarren bertsoak osatuko dute emanaldiaren gorputza. Egañak okasiorako bertsoak ere jarriko ditu eta inprobisazioak ere izango du tarterik emanaldietan. Egañak azaldu duenez, Xenpelar eta Chopin-ek antzekotasun bereziak dituzte: garai beretsukoak, estaturik gabeko nazio batekoak eta bertako hizkuntzaren jabe, biak katoliko, biak gazterik hil ziren eta biek arreba izan zuten ondoan azken unean. Egañaren esanetan, antzekotasun horiek osagarri politak dira kontakizun batekin josteko.

Lehen emanaldiak: Azaroak 1: Bilboko Eliseos Antzokian. Azaroak 22: Andoain. Basteron Abenduak 12. Bilboko Deustu auzoan. Abenduaren 15. Errenteri.Niessen kultugunean.

• 
•