Bertsozale Elkarteak eta Lankuk stand bana izango dute 2012-12-05

Bertsolaritzak izango du bere lekua Durangoko Azokan

 Bihartik igandera bitarte euskal kulturaren erdigune bilakatuko da Durangoko Azoka. Bertsolaritzak ere, urtero bezala, izango du bere txokoa, Bertsozale Elkarteak eta Lankuk stand bana izango baitute. Artekaleko 39-40 zenbakietan topatu ahal izango dira txokoak. Aurtengoan bederatzi nobedade izango dira bertan:

 -"Beste larogei urtian" liburua eta DVDa, Euskal Herriko Bertsozale Elkartearen 25 urteko ibilbidea biltzen duena
 -"Bertsolari" pelikularen DVDa
 -"Bertsoa 2011" antolgia DVDan
 -"Zazpi ebidentzia birjaiotzarako" Xabier Amurizaren liburu berria euskara batuaren inguruan
 -"11 kantatzeko" diskoa, Urko Egañak bertsolaritza eta ipuinak uztartuz osatu duena
 -"Bapatean 2011" antologia, urteko bertsogintzaren emaitza biltzen duen KDa, 50 bertsoaldi Mp3 formatuan eta ohiko liburua PDFan dauzkana
 -"Neguari abesten" diskoa, Ene Kantak taldeak Nafarroako Bertsozale Elkarteari laguntzeko argitaratua
 -Imanol Lazkanoren bertso jarduna laburtzen duen CDa
 -Txapelketa Nagusietako bertsoaldi onenak biltzen dituen CD bikoitza

 Horrez gain, beste hainbat argitalpen ere izango dira stand hauetan. Bertara hurbiltzerik ez daukanak Lankuren web orritik egin dezake eskaera. 

• 
•