Bilbon, Kafe Antzokian, 19:00etan 2013-03-22

BBK-ko finala gaur Durangaldea eta Ipar Uriberen artean

Durangaldeak eta Ipar Uribek BBK Sariketako finala jokatuko dute gaur Bilbon. Finala ere taldeka da, eta eskualde bakoitzeko sei bertsolarik parte hartuko dute. Durangaldetik: Garoa Angiozarrek, Iruri Altzerrekak, Txaber Altubek, Aitor Bizkarrak, Ander Gerrikaetxebarriak eta Ane Alegriak. Ipar Uribekoan, berriz, Unai Mendiburu, Aitzol Muruaga, Paule Loizaga, Inazio Vidal, Peru Vidal eta Imanol Uria arituko dira. Hiruna adin mailatan lehiatuko dira bertsolariak.  Bertsoa.com BBK-ko finalean izango da.

BBK Sariketan Bizkaiko zazpi eskualdek hartzen dute parte: Durangaldeak, Ipar Uribek, Enkarterrik, Bilboaldeak, Lea Artibaik, Arratiak eta Busturialdeak. Aurtengoan ere ia 50 gazte aritu dira BBKn bertsotan. Durangaldea da oraingo txapelduna eta hiru aldiz irabazi du BBK. Ipar Uribek sei txapel ditu.

Epaimahaiari dagokionez, Arkaitz Estiballesek, gaur egun Bizkaiko bertsolarien txapeldunak, Juanjo Respaldizak, Bizkaiko Ikastolen Elkarteko bertsolaritza arduradunak, eta Gorka Intxaurbek, filologian eta bertsolaritzan adituak, osatuko dute. Gai jartzaile Bernardo Mandaluniz arituko da.


Sariei dagokionez, bi talde finalisten artean 2.000 eurotik gora banatuko dira, eta txapeldunak 1.260 eurotako lehen saria jasoko du. Bigarren sarituak 900 euro jasoko ditu eta 140 euroko saria izango du bizkaiera egokiena erabiltzen duen bertsolari gazteak.


Urtea        Irabazlea               Bigarrena                     Bizkaiera egokiena        Finalistarik gazteena
1993    LEA ARTIBAI             DURANGALDEA        Haritz Lopategi                 Joseba Goienola
1994    BUSTURIALDEA      DURANGALDEA        Haritz Lopategi                 Onintza Enbeita
1995    BUSTURIALDEA      DURANGALDEA       Asier Legarreta                  Anartz Aranguena
1996    LEA ARTIBAI              BUSTURIALDEA       Xabier Enbeita                 Gorka Ostolaza
1997    LEA ARTIBAI              BILBOALDEA            Urtzi Urrrutikoetxea           Xabier Paya
1998    LEA ARTIBAI              BILBOALDEA             Ibon Ajuriagoieskoa          Xabier Paya
1999    IPAR URIBE              BILBOALDEA              Ander Ibarra                      Oihana Bartra
2000    BUSTURIALDEA       LEA ARTIBAI             Eñaut Intxaurraga              Amaia Jauregizar
2001    LEA ARTIBAI              IPAR URIBE              Jon Rementeria                 Miren Ibarluzea
2002    IPAR URIBE               BUSTURIALDEA     Iñaki Iturriotz                        Ander Elortegi
2003    ARRATIA                     BUSTURIALDEA     Miren Amuriza                    Jurek Zienkiewic
2004    IPAR URIBE               ARRATIA                    Oihana Bartra                    Jurek Zienkiewic
2005    DURANGALDEA     ARRATIA                       Oihana Bartra                   Miren Amuriza
2006    DURANGALDEA     IPAR URIBE                Miren Amuriza                    Jone Uria
2007    IPAR URIBE             BUSTURIALDEA       Eñaut Uruburu                   Imanol Uria
2008    BILBOALDEA           IPAR URIBE               Amaia Uribe                        Imanol Uria
2009    IPAR URIBE             LEA ARTIBAI               Xabier Iturraspe                Josune Aramendi
2010    LEA ARTIBAI            IPAR URIBE                Aitor Arrutia                        Josune Aramendi
2011    IPAR URIBE             LEA ARTIBAI               Illart Gumuzio                    Aissa Intxausti
2012    DURANGALDEA    LEA ARTIBAI                 Naroa Loiola                     Txaber Altube

• 
•