Martxoan Bertsoa 2009-03-13

Literatur tailerra gaur, Harkaitz Canorekin

 Harkaitz Canok literatur tailerra gidatuko du gaur, Zumarragako Zelai Arizti kultur etxean, arratsaldeko 19:30etatik aurrera. Joan zen astean izan zen lehendabiziko saioa, eta 20-22 lagun agertu ziren. Gorka Azkaratek azaldu duenez, "bertso eskolako ikasleez gain bestelako jendea ere hurbildu zen saiora. Azken finean, Harkaitz Canok ez zuen bertsoari lotutako azalpenik eman, sormenari buruz aritu zen. Esate baterako, berak liburuen hasierak nola pentsatzen dituen azaldu zuen".

 Saio teorikoa izan zen joan zen ostiralekoa, "berak eduki zuen hitza". Hala ere, aste honetarako lan batzuk bidali zituen, eta horren inguruan izango omen da gaurko saioa. "Praktikoagoa izango da, beraz".

 "Gustura" gelditu zen Azkarate. "Harkaitz Cano jardun atsegineko hizlaria da. Asko daki, eta, gainera, oso era pasionalean ematen ditu azalpenak".

 Gaurko saioak, lehengo astekoak bezala, bi orduko iraupena izango du.

 Bestalde, herriko bertsolari txapelketak ere aurrera darrai. Oraindik ere bi saio falta dira kanporaketa bukatzeko:

 GAUR, Motz tabernan, 23tatik aurrera:
  BEK (bertsolaritza ere krisian): Gorka Quevedo, Joseba Villarreal eta Gorka Ojanguren.
  Sociatak: Itziar Pildain, Gaizka Oiartzabal "Pitillo" eta Aitor Otegi.
  Gizon probalariak: Andoni Jaka, Egoitz Iturbe eta Aitor Aiastui.

 BIHAR, Aldiri tabernan, gaueko 23tatik aurrera.

 Orain arteko puntuazioak kontutan hartuta, honela dago sailkapena:

 1.Mihiluzeak:     185.75
 2 Oilarrak:       182.25
 3 Bi eta bat:     179
 4 Betigu:         174
 5 Beteranoak :    173.5
 6 Trikitilariak:  173.5
 7 Etamok:         173.0
 8 Akolitoak:      172.75
 9 Oketaberria:    172.75  

 Finala martxoaren 27an izango da, Gaztelekun. Informazio gehiago nahi izanez gero, egin klik hemen.

• 
•