Gaur izango da bere aldeko hileta elizkizuna 2013-09-04

Jean Haritxelhar: Etxahun ikertu zuen gizona

Joan zen igandean hil zen Jean Haritxelhar euskaltzale ezaguna. Euskaltzaindian egindako lanagatik zen bereziki ezagun: 22 urtez izan zen euskaltzainburuorde eta 16 urtez euskaltzainburu. Horrez gain, Baionako Museoko buru izan zen 22 urtez eta Udako Euskal Unibertsitatearen lehen saioak antolatzen ere aritu zen, besteak beste. Dena den, bertsolaritzarekin eta ahozko literaturarekin ere lotura nabarmena izan zuen Jean Haritxelarrek. Hala, Etxahunen inguruan osatu zuen doktoretza tesia, bi zatitan emana: "Le poète Souletin Pierre Topet-Etchahun (1969)" eta "L´Oeuvre Poètique de Pierre Topet-Etchahun (1970)". Horrez gain, Etxahuni buruzko beste hainbat idazlan ere kaleratu zituen: "Deux chansons perdues d´Etchahun-Barkoche (1961)", "Le rythme poétique (4+7)-(4+6) dans la chanson «Intchauspeko alhaba dendaria» (1962)", "Etchahun et Chamisso (1963)", "Contribution a l´étude de la littérature basque: Martin Larralde-Bordachuri, le poète-galérien (1963)" eta "Etchahun eta Otxalde (1967)". Gaur egingo da bere aldeko hileta elizkizuna Baigorrin, arratsaldeko 16etan.

• 
•