14 adituren azterketak 2013-10-04

Txapelketa Nagusiaren azterketa xehea Mintzolan

 Bertsolari Txapelketa Nagusiaren inguruko azterketa egiteko asmoz, 14 adituren iritziak bilduko ditu Mintzola Fundazioak bere web orrian. Nork bere talaiatik, Txapelketari begirada bat botako diote aditu hauek.

 Jada sarean dago Arkaitz Goikoetxea filologo, itzultzaile eta bertso-eskolako irakasleak egindako artikulua: "Aniztasuna Txapelketaren bertsogintzan".

 Irailaren 4an hiru artikulu argitaratuko dira. Jone Miren Hernandez EHUko ikerlariak egindakoa ("Emakumeak txapelketan"), Xabier Paia ahozkotasunean aditu eta ikerlariarena ("Txapelketako bertsogintzaren ahozkotasun maila") eta Xabier Sukia kazetariarena ("Kanporaketetako bertsogintzaren azterketa").

 Abenduaren 9an beste lau artikulu izango dira sarean: "Abertzaletasuna Txapelketan" Olatz Mitxelena komunikazioan lizentziatuak idatzia; "Txapelketan, bertsolaritzan gertatzen ari denaz" Teresa del Valle EHUko Gizarte Antropologiako katedradun emerituarena; "Final-aurreetako bertsogintzaren azterketa" eta "BEC, BEC, BEC" Jexux Larrañaga antropologian doktorearena.

 Abenduaren 19an argitaratuko dira gainerako seirak. Andoni Egañak "2013ko Txapelketaz" idatziko du; Pio Perez EHUko ikerlariak "Emozioak txapelketan"; Pere Bescós Harvardeko unibertsitateko irakasleak "Alderdi kultural, komunikatibo eta sortzaileak Txapelketan"; Anaís Falcó musikologian adituak eta Christian Simelio Corrandistak "Txapelketaren musika. Katalunia eta Euskal Herriaren arteko aldeak"; Manex Agirrezabal informatikariaren "2013ko Txapelketaren datuen azterketa" eta Joxerra Garziaren "Finaleko bertsogintzaren azterketa".

• 
•