Munduko Kantu Inprobisatuaren Jardunaldiak Mintzolan 2013-11-07

Informatika eta antropologia bertsolaritzan

Manex Agirrezabal eta Bertol Arrieta informatikariak eta ikerlariak dira eta "1986-2009 urteen arteko Txapelketa Nagusien azterketa" egin zuten.

Jexux Larrañaga antropologian doktoreak "Jolas sakona" izeneko hitzaldia eskaini zuen.

Hurrengo hitzaldiak abenduan izango dira, Txapelketa Nagusiko finalaren bezperatan. Abenduaren 11an Kubako kantu inprobisatua, repentismoa aztertuko dute hiru kubatarrek, hiru alderditatik: Patricia Tápanesek soziologiatik, Haiydée Hernández Arencibiak filologiaren ikuspegitik eta Sonia Pérez Cassolak musikologiatik.

Abenduaren 12an Andoni Egañak Basarri hartuko du mintzagai "Basarri eta bertsogintza" izeneko hitzaldian. Jon Sarasuak  "Bat-bateko kantuaren ehunaz" arituko da eta Ana Zarina mexikarrak Mexikoko trobadoreen berri emango digu. Amaieran, inprobisazio kantatuan arituko dira Andoni Egaña eta Ana Zarina.

Bukatzeko, abenduaren 13an Herrialde Katalanetatik etorriko diren Anaís Falco eta Pere Bescos-ek hitzaldi bana eskainiko dituzte, "Kataluniako kantu inprobisatua gaur egun" eta "Performanceetako alderdi kultural, komunikatibo eta sortzaileak".  Jardunaldiei amaiera emateko bertso- eta glosa-saioa eskainiko dute Chirstian Simelio, Anaís Falcó, Miren Artetxe eta Gillen  Hiribarrenek. Carles Beldak egingo ditu itzulpen-lanak trikitixa jotzearekin batera.

• 
•