Diska berria argitaratu du 2013-12-02

Tximela Kapitanaren bertsoak musikatu ditu Joseba Tapiak

Luis Rezola Arana (Tolosa, 1914-1993), Tximela Kapitanaren Izarrak izeneko lan berria argitaratu du Joseba Tapia musikariak, haren bertsoak musikatuta. Hemezortzi sorta dira, molde ezberdinekoak, 1936ko Espainiako Gerrak Euskal Herrian izan zuen eragin lazgarria oinarrian dutenak.

Luis Rezola Arana (1914-1993), Tolosako tximelatarretan sortu zen. Hamabost urteko
hasi zen tailer mekanikoetan lanean eta lagunartean bertsoak moldatzen. Zaletasun
handia zeukan. Altxamendu faxista hasi orduko sartu zen erresistentzian (1936,
uztaila). Gero Eusko Gudarostean enrolatu zen, Loiola batailoian aurrena, Lenago Il
izenekoan gero. Gorbeian, Oizen, Gernikan eta Bilbon borrokatu zen. Hogeita bi urte
zituela egin zuten kapitain, izardun gazteenetakoa bihurturik.
Joseta Tapiak bere gunean adierazten duenez,  "idaztea, preso egonik,
askatasuna bizitzea da. Dueso espetxe gogorretik ihes egiteko hasi zen idazten Tximela
kapitaina: alerta bat gizarteari edo geroari, salaketa garratza, sufrimenduaren
lekukotza. Gosea, eritasunak, herrimina. Epaiketa militarrak. Anaia bat frontean hila.
Bestea zauritua, Iparraldean aterpeturik. Ama semeen aztarrenik hartu ezinda. Eta
gaua, gaua bere sarraila hotsekin: jendea ateratzen fusilamendura.
Kantu sorta zirraragarri bat osatu zuen horrela Tximela kapitainak, Duesoko Kantutegia
izenda genezakeena Joseba Tapiak musikatu eta gero.

Sei zaineko gitarra batek lagunduta
"Sei zaineko gitarra batek lagundu dit idatzia kantu bihurtzen" dio Joseba Tapiak. "Gitarra jotzeko modua antzinakoa da. Estiloa ezaguna egingo zaizue. Kantaera ere bai. Gaia, betikoa dela esan
liteke. Baina entzungo dituzuen kantuok, ederrak dira".

Emanaldiak

Abenduak 7, larunbata
Erroma Euskal Astea

Abenduak 13, ostirala
Ataun. Aia

Abenduak 14, larunbata
Zarautz Bunkerra

Abenduak 20, ostirala
Zaldibi

Abenduak 27, ostirala, 21:00etan
Donostia
Lugaritz. Imanol Larzabal

Abenduak 29, igandea
Larrabetzu
Gaztetxea

Urtarrilak 25, larunbata
Zugarramurdi

Fitxa teknikoa
JOSEBA TAPIA
ahotsa/gitarra

LUIS FERNANDEZ
biolontxeloa

JEXUX ARANBURU
organoa

JONAN ORDORIKA
soinu teknikaria

JUANBA BERASATEGI
azala eta kaiera

KEPA GONZALEZ
Joseba Tapiaren argazkiak

AGURTZANE AIZPURU
ekoizpena
Zakurraren biolina - www.josebatapia.com

• 
•