Bertsolaritza eta ikerketa 2013-12-09

Munduko kantu inprobisatuaren azken astea Mintzolan

Munduko kantu inprobisatuaren jardunaldiak antolatu ditu Mintzolak eta orain arteko egitarauari jarripena emateko aste osatua moldatu du asteazkenetik igandera. Kuba, Mexiko, Katalunia eta Euskal Herriko ordezkariak izango dira gogoetaldian. Finalean, Terraza zientifikoa deiturikoa jarriko dute BEC-en, ikerketa-munduko begiak bertsolaritzaren ikerketarako. Hori ostiralean aurkeztuko dute.

Hauxe da beraz, aste honetako egitaraua

ABENDUAK 11
    Bertsoa mundua ezagutaraztea eta munduko kantu inprobisatuak ezagutzea da Mintzola Fundazioaren ardatzetariko bat. Oraingoan, Kubako kantu inprobisatua, repentismoa aztertuko dute 3 kubatarrek, 3 alderditatik: soziologia, filologia eta musikologiatik:
     
19:00    Lo simbólico y lo social en la poesía oral improvisada cubana. Patricia Tápanes Suárez, soziologoa.
19:30    La enseñanza de la décima improvisada en niños. Los Talleres Especializados de Repentismo Infantil, una experiencia desde la apreciación y el respeto al arte. Haydée Hernández Arencibia, filologoa eta kultur eragilea
20:00      La poesía oral improvisada cubana desde una mirada musicológica. El repentismo cubano como género musical cubano identitario, patrimonio de la nación. Sonia Pérez Cassola, musikologoa.
20:30    Kubako repentismoari buruzko ikusentzunezkoa (30 minutu)
 
ABENDUAK 12
    Basarri sortu zeneko 100 urte bete dira aurten. Horren harira Andoni Egañak Basarrik bertsolaritzari egin ekarpena aztertu du. 1935ko lehen “bertsolari gudu” hura irabazi zuen Basarrik. Lehen bertsolari txapelketa hura Aitzolek eta On Manuel Lekuonak eragindakoa izan zen, Euskal Pizkundearen ardatz gisa zuten, euskal kultura indartzeko; euskal komunitatea ehuntzeko. Bertsolaritzak badu egun ere ehuntzearen funtzioa. Jon Sarasuak hitz egingo digu horretaz, bat-bateko kantuaren ehunaz: etxeko ehunaz zein ehun unibertsalaz. Ehun unibertsalaren erakusgarri, mexikar bat izango da gutartean: Ana Zarina. Mexikar trobadoreen berri emango diguna.

Hitzez gain, inprobisazio kantatuaz gozatuko dugu; Andoni Egaña eta Ana Zarina bera arituko dira, gai librean.

19:00    Basarri eta bertsogintza. Andoni Egaña, filologoa, 1993-2009 urte artean Euskal Herriko bertsolari txapelduna .
19:30    Bat-bateko kantuaren ehunaz . Jon Sarasua komunikazio zientzietan doktore.
20:00    Estilos y formas estróficas de la improvisación en los géneros de músicas tradicionales en México.  Ana Zarina Palafox mexikar trobadorea.
20:30    BERTSO SAIOA: Ana Zarina Palafox (Mexiko) eta Andoni Egaña (Euskal Herria).
 
ABENDUAK 13
     Bertsoa munduan ezagutaraztea eta munduko kantu inprobisatuak ezagutzea da Mintzola Fundazioaren ardatzetariko bat. Herrialde Katalanetan duela urte batzuk hasi ziren bertako tradizioak berreskuratzen. Geroztik egin dute bide, bai Katalunian, bai Balear uharteetan zein Valentzian. Kasu honetan Kataluniako egoeraren berri zuzenean izateko parada izango dugu. Horrezaz gain, katalan ikerlari batek, Harvardeko Unibertsitatean ari denak, bertsolaritza apartatu du ikertzeko asmoz: Homeroren bertsoekin konparatzera iritsi nahi du. Baina aurretik, publikoaren erreakzioak bertsolariaren sorkuntzan duen eragina eta BCBLek gauzatu ikerketaren ondorioak aztertu nahi ditu.
      
19:00    “De cançons i de corrandes”: una introducción al canto de texto improvisado en catalán. Anaís Falcó Kataluniako corrandista.
19:45    Performanceetako alderdi kultural, komunikatibo eta sortzaileak. Pere Bescos. Bartzelonako Pompeu Fabra Unibertsitatea. Harvardeko Unibertsitatean post-doktoratua egiten ari da.
20:30    BERTSO ETA GLOSA SAIOA: Christian Simelio (Katalunia),  Anaís Falcó (Katalunia), Miren Artetxe (Euskal Herria) eta Gillen Hiribarren (Euskal Herria).
     Trikitilari eta itzultzaile: Carles Belda
 
ABENDUAK 15
     KULTURARTEKO TERRAZA ZIENTIFIKOA BERTSOLARI TXAPELKETAKO FINALEAN
     Bertsolari Txapelketaren finalean, BECen, terraza batean bilduko dira Jardunaldietan parte hartu duten ikerlari eta inprobisatzaileak, Mintzolarekin elkarlanean ari diren hainbat ikerketa erakundeetako edo kultur elkarteetako ordezkari, ikerlari eta bertsozaleekin batera.
 

• 
•