Bertsolari Txapelketa Nagusia 2014-02-04

BECeko finala Kataluniako inprobisazioaren ikuspuntutik

Anaís Falcó musikologoak eta korrandistak eta Christian Simelio korrandistak Kataluniako inprobisazioaren ikuspuntutik aletu dute BEC-eko finala, Bertsozale.com-erako artikuluan. Hauxe diote besteak beste:

"Esker onez beterik itzuli ginen etxera, euskaraz kantari ari zen ahots dardarati bat genuela buruan, harreman hau egun horretan bertan bukatuko ez zela zioskuna. Kantu inprobisatuaren esperientzia hain profesionalak ez diren esperientzien defendatzaile gara gu; jendearekin, tabernetan, familia bestetan eta norgehiagokarik gabe bertsoak inprobisatzen aritu zaleak. Baina horiek ere ez dira antzinako ereduak, komunitate bakoitzaren barnean bai baitzen trebatutako jendea. Jendeak mekanismoak ezagutu zitzakeen, baina ez zuen ahots publiko eta ordezkaria erabiltzen, glosadoreek, korrandistek edo bertsadoreek egin duten bezala. Agian, hitz eta errimekin jostatzen hasita, Euskal Herrian erakusten ari diren profesionalizazio eredua, bide posible bat gehiago da kantu inprobisatuaren goranzko praktika baterako. Ohartu gara Txapelketa ez dela norgehiagoka hutsa; mugimendu kultural bat da, gizarteari asko dakarkiona eta normalizazio linguistikoaren aldeko tresna eraginkorra oso."

Artikulu osoa irakurri

• 
•