Maiatzaren 25ean, Arrasaten 2014-04-14

Gipuzkoako Eskolarteko finala bertso-eskolen egunean

Lehenengoz ekitaldi berean izango aurten Gipuzkoako bertso-eskolen eguna eta Gipuzkoako Eskolarteko finala. Eskolarteko eredu berriari jarraiki, eskolarteko txapelketa bertso-eskolen muinean txertatuta gauzatuko da aurtengoan. Arrasaten izango da, maiatzaren 25an. Eskolarteko finala goizean izango da eta arratsaldean bertaratzen diren guztientzat jolasak antolatu dira. Bertso Eskolen Egunean parte hartu nahi dutenek txartelak www.bertsosarrerak.eu atarian eskuratu behar dituzte. Urtero bezala, bertso-eskolen egunaren helburua Gipuzkoako bertso-eskoletako gaztetxoak elkar ezagutu, elkarrekin egun ederra pasa eta harreman sarea indartzea da.

Zortzi gazte finalean
Txapelketari dagokionez, zortzi gazte bat-bateko fnalean, bost kanporaketa jokatu ondoren sailkatuta: Eneko Araiztegi (Segura), Maider Arregi (Oñati), Jon Gurrutxaga (Azpeiti), Iñigo Ibañez (Azpeiti), Aratz Igartzabal (Gabiria), Paul Iruretagoiena (Ataun),  Iraitz Mateo (Oiartzun) eta Amaia Urbieta (Zarautz). Goizeko 11:00etan hasiko da, Amaia Antzokian. Zortzi horietatik bi Euskal Herriko finalera pasako dira.

Finalerako gaiak prestatzeko ardura, Egoitz Aizpuru eta Inaxio Usarraldek lagunduta, ondorengo bertso eskoletako kideek izan dute: Maddi Alberdi (Eibar), Maier Fernandez (Eibar), Nahia Fernandez (Eibar),  Peru Gabirondo (Zarautz), Aizpea Garmendia (Lazkao), Amaia Palazuelos (Eibar), Iñaki Rezusta (Ormaiztegi).

Finalaren ostean, bakoitzak bere etxetik ekarritakoa bazkaltzeko parada izango da. Arratsaldean, berriz, Txatxilipurdi Elkarteak antolatuta jolasetan gozatzeko aukera izango da.

Maiatzaren 25ean Bertso Eskolen Egunera joateko txartela hartu nahi dutenek www.bertsosarreak.eu atarian dituzte salgai. Urtero bezala, Bertso Eskolen Egunera joan ahal izateko autobusak antolatu ditugu eta egunerako bertarako kamixetak prestatu dira.

• 
•