Hitzetik Hortzera - denboraldiaren balorazioa 2014-04-22

Bertso-jaialdi gehiago eta bertsogintzako saiakeren berri eman du Hitzetik Hortzerak

Irailean itzuliko da Hitzetik Hortzera bertso programa, ETB eta Bertsozale Elkartearen lankidetzan. Hogeita seigarren denboraldia izango da, 25garrena atzean utzita. Bertsoa.com-ek denboraldiaren balorazioa egin nahi izan du eta honako puntu hauek azpimarratu ditu Eneritz Urkola zuzendariak. Hasteko, 25 urte bete izana nabarmendu du, Hitzetik Hortzerak astero astero denbora tarte horretan bertsolaritzak ETBen bere tartetxoa eduki izana, "garrantzitsua da hori".

Aurtengo berrikuntzetako bat denboraldiaren aurrerapena izan da. "Urrian hasi genuen ikasturtea Bertsolari Txapelketa Nagusiarekin batera, saio guztiak ahalik eta azkarren telebistaz eskaintzeko apustua egin bait genuen. Kanporaketak biharamunean eta finalaurrekoak zuzenean." Adierazi du Urkolak.  Edukietan ere izan da berritasunik. "Lagunartekoak alde batera utzi gabe, bertso-jaialdi gehiago eskaini ditugu eta bertsolaritzaren eskosistemaren elementuak erakusteaz gain bertsogintzako saiakeren berri ere eman du saioak."

Urritik martxoa arte
Martxoa amaieran txirrindulari-lasterketak hasten dira eta ordutegi bereko emankizunak direnez, denboraldia uda eta udaberriaren mugetan sartzeko apustua egin du aurten programak. Iraila amaieran edo urria hasieran itzuliko da berriro Hitzetik Hortzera uda amaierako jaialdiak, udazkenean jokatuko diren Xilaba eta Bizkaiko txapelketak eta beste hamaika plaza bertsozaleen etxeetara ekartzeko.

• 
•