Bertsogintzaren bilakaerari lau begirada 2015-01-02

Mende laurdeneko bidea

 Hogeita bost urte bete dira aurten bertsoak telebistarako jauzia eman zuenetik. Eta ia hamar internetera iritsi zenetik. Efemeridea aitzakia hartuta, bertsogintzak mende laurdenean izandako bilakaeraz aritzeko elkartu ditugu Xabier Amuriza, Andoni Egaña, Maialen Lujanbio eta Uxue Alberdi.

 Lau ataletan

 Lau ataletan banatuta eskaini dugu mahaingurua. Lehenengoan, interneten egotearen garrantziaz aritu ziren, eta baita esperimentazioaren zergatiez eta emaitzez ere.

 Bigarren atalean, gaiak izan ziren gai, eta baita bertsogintzan dauden edo egon daitezkeen gai eta emozio tabuak ere.

 Hirugarren atalean umorea jorratu zuten: Zertan aldatu den umorea, nolako umorea egiten den... Eta, horri lotuta, umoreak eta botereak duten harremana eta umore-eredu berriak.

 Azkenik, urte berriari ekiteko, etorkizunera begira bertsogintzak izan ditzakeen giltzak jorratu zituzten.

• 
•