larunbatean jokatu zen Markina-Xemeinen 2015-06-15

Pagola eta Martikorenak irabazi dute Plazatik Gaztetxera

Plazatik Gaztetxera ekimeneko hamalaugarren edizioko finala jokatu da asteburu honetan. Zortzi bertsolari aritu ziren oholtzan, binaka:  Aitor Salegi-Aitor Irastortza Zestoa eta Zaldibiarrak, Eli Pagola-Eñaut Martikorena Hernaniarrrak, Amaia Iturriotz-Mikel Iturriotz urretxuarrak eta Aratz Igartzabal-Gorka Maiz gabiriarrak. Bi ordu pasako lanen ondoren, Pagola-Martikorenak eraman zuten txapela, Salegi-Irastortzarekin buruz burukoa jokatuta. Markina-Xemeingo Akerbeltz gaztetxean jokatu zen finala, 150 lagun inguru entzuten zirela.

Prestatutako agurrak eta gabiriarren erantzuna
Plazatik Gaztetxeran agurrek funtzio berezia dute eta bereziki landuak izaten dira normalean. Finalean ere halaxe egin zuten hiru bikotek, bertsoez gain, hizketa eta guzti. Gabiriarrek jarri zuten kontrapuntua, bat-bateko bertso banako agurra botata.

Agurren ondoren, gaiak etorri ziren. Ofiziotan zein bakarka ariketa zerrenda luzea egin zuten bertsolariek. Zortziko handian, txikian, koplatan, puntu erantzunak, oinak emanda, azkenaurreko puntua emanda, bakarka gai bati erantzun... Lehen zatia amaituta, bi bikote pasa ziren buruz burukora. Pagola-Martikorenak eta Salegi-Irastortza. Azkenean, hernaniarrak irabazle.

Egun osoko festa
Plazatik Gaztetxerako finala egun osoko jaia izan zen Markina-Xemeinen. Bertso poteoa goizean, bazkaria, mahai bueltako jokoak eta ondoren finala.

Plazatik Gaztetxeran 32 bertsolarik hartu dute parte edizio honetan.

• 
•