Mintzola Fundazioak eta Mikel Laboa Katedrak elkarlanean 2015-10-08
Jakinarazi dituzte proiektu-saridunak
Beñat Romeraren "Bertsolaritzaren hitzaren arteko irudia", Jon Martinen "Bertsolaritza eta haurren sormen prozesua" eta Eñaut Agirreren "Bertsoaren jauzia denboran". Hiru proiektu horiek 2000 euroko saria jasoko dute proiektua garatzeko.
Ekainean egin zuten Mintzola Fundazioak eta Mikel Laboa Katedrak bertsolaritzaren ikerketa sustatzeko proiektu-sarien deialdia. Aurkeztu diren bost lanetatik hiruk irabazi dute 2000 euroko saria ikerketa garatu ahal izateko.Beñat Romeraren "Bertsolaritzaren hitzaren arteko irudia", Jon Martinen "Bertsolaritza eta haurren sormen prozesua" eta Eñaut Agirreren "Bertsoaren jauzia denboran" dira lan irabazleak. Erabaki hartu duen epaimahaia Jone Miren Hernandez, Juan Kruz Igerabide eta Jesus Mari Makazaga doktoreek osatu dute.
Oraingoz ikerketa-kontraturik ez da egingo
Proiektu-sariekin batera, ikerketa-kontratu baterako deialdia ere egin zuten Mintzola Fundazioak, Mikel Laboa Katedrak eta EHUko Euskara eta Ikerketa Errektoreordetzek. Urtebeteko ikerketa-kontratu hau bertsolaritzari buruzko doktorego-tesia osatzeko zen, hiru urteraino luza zitekeena.
Jaso dira eskaera batzuk baina azkenean ikerketa-kontratua ez ematea erabaki dute.
Albiste gehiago
Unax Aizpurua Ibargarai - Euskal Herriko Eskolarteko txapelduna 2025-06-16
«Gaitzeko maila izan da eta denak biziki ongi aritu dira»
Atzo zendu zen Kuban 64 urte zituela 2025-06-13
Tomasita Quiala Kubako repentista handia hil da, bertso mundua liluratu zuen artista
Gaur aurkeztu dute Bilbon 2025-06-10
Bizkaiko Txapelketa: 37 bertsolari eta finalaurrekoak bi itzulitara
Danele Sarriugarte - Señora Sariketaren balorazio elkarrizketa 2025-06-05
