Dagoeneko bederatzi saio egin dituzte 2016-01-20

Indartsu abiatu da Bertsotruk

Etxarri-Aranatz, Alegia, Markina-Xemein, Irun, Oñati, Mungia, Iurreta, Barakaldo eta Mañarian egin dira orain arteko saioak eta ekimenean parte hartu duten ia bertso-eskola guztietako kideak aritu dira kantuan:

-Etxarri-Aranatz: Mungia/Larrabetzu - Sakana
-Alegia: Harituz – Lilibertso
-Markina-Xemein: Markina-Xemein - Orio
-Irun: Kakiturri - Txingudi
-Oñati: Oñati - Sakana
-Mungia: Mungia/Larrabetzu - Oñati
-Iurreta: Durangaldea - Zarautz
-Barakaldo: Erniarraitz – IEH –Enkarterri -Lilibertso
-Mañaria: Barañain - Durangaldea

Ohiko jaialdiak, poteoak, otorduak... denetik egin dute bertsoaren bueltan; eta agian garrantzitsuena, elkar ezagutzea. Bertso-eskolen arteko harremanak sustatzeko helburuarekin jarri zen martxan Bertsotruk eta ondo bete du funtzio hori.

Sarean BERTSOAko atal berezian ikusgai dituzue saioetako kronikak eta argazkiak.

Asteburu honetan gehiago
Larunbatean Kakiturri bertso-eskola eta Goierrikoa elkartuko dira Gasteizen. Elkar ezagutzeko, bertsotan aritzeko eta batez ere, ondo pasatzeko aukera paregabea izango dute bertan.

• 
•