Herriko ikastolaren alde 2016-02-24

Bertso jaialdia Biriatun, 40 urteren ondotik

Bertso jaialdia izango da martxoaren 6an Biriatun, Gipuzkoa, Lapurdi eta Nafarroaren arteko mugako herrian. 70. hamarkadan urtero izaten ziren bertsolariak herriko jaietan, Xalbador eta Uztapide gehienetan. Eten luzearen ondotik, ikastola sortu berriak bertsolaritzara ekarriko du ostera Biriatuko plaza. Andoni Egaña, Maialen Lujanbio, Amets Arzallus, Julio Soto eta Jon Maia arituko dira. Gai jartze lanetan, Aimar Karrika arituko da. Elizan, 17:00etan. Egunean bertan ere izango dira sarrerak.

Segida emateko asmoz
Ikastolak proposatuta, Amets Arzallus dabil saioaren antolaketako zenbait arduratan. Bere esanetan, Biriatu kostaldeko herria izan arren, barnekaldeko herrian antza du eta euskaraz dakitenen proportzioa kostaldeko herri gehienetan baino altuagoa da. Ikastola sortu berria da eta 5 ikasle ditu egun, bost urtez beherakoak. "Bertsozaletasuna ere bada" dio Arzallusek eta horri gorputza ematera dator jaialdi berri hau. Duela 15 urte inguru edo egin zen beste ekitaldi bat elkarte batean, xumeago, eta oraingoan urteroko jaialdi bihurtzeko itxaropenez ekin diote erroka berriari.

Ekitaldira joateko gonbidapena
Jaialdiak urteroko jarraipena izateko martxoko saioak harrera beroa izatea nahiko lukete antolatzaileek eta herriko zein inguruko bertsozaleak gonbidatu ditu Biriatura joan daitezen. Bertsoa sareko plaza ere han izango da.
 

• 
•