Eskolartekoa 2016-05-31

Hamabi bertsolari ariko dira Euskal Herriko Eskolarteko finalean

 Euskal Herriko Eskolarteko bertsolari txapelketako finala jokatuko da larunbat honetan Ereñotzun. Goizeko 11:00etan hasiko da finala, eta 15 eta 18 urte bitarteko 12 bertsolari gazte ariko dira kantuan. Honako hau da taldea:

 Aroa Arrizubieta Barredo (2001, Gasteiz)
 Peru Amorrortu Barrenetxea (2000, Gasteiz)
 Txaber Altube Sarrionandia (1998, Abadiño)
 Unai Mendiburu Valor (1998, Getxo)
 Beñat Mujika Izagirre (1998, Donostia)
 Aizpea Garmendia Iartza (1998, Lazkao)
 Kerman Díaz Franco (1998, Urruña)
 Nahia Sasco Etxeberri (1998, Lekuine)
 Elixabet Etxandi Goyenetche (2000, Izpura)
 Oier Urreizti Lafitte (2000, Bidarrai)
 Joanes Illarregi Marzol (1999, Leitza)
 Xabat Illarregi Marzol (2001, Leitza)

 Maite Berriozabal ariko da aurkezle lanetan.

 Egin beharreko lana

 Hamabi bertsolariek honako lan hauek egin beharko dituzte:

 -Hasierako agurra, gehienez 5 puntuko neurrian
 -8ko handian bina bertso, ofiziotan, binaka
 -8ko txikian bina bertso, ofiziotan, binaka
 
 Behin lan hauek osatuta, sei bertsolari geratuko dira lehian. Hauek bakarka bertso bana bota beharko dute gaia emanda, gehienez 5 puntuko neurrian.

 Bukaerako agurrak ere gehienez 5 puntuko neurrian botako dituzte bertsolariek.

 Bertsolariek egindako lana epaitzeko, epaile bana ariko da herrialde bakoitzetik: Aitor Jimenez Arabatik, Joseba Santxo Bizkaitik, Martin Aramendi Gipuzkoatik, Joakin Arregi Lapurditik, Nerea Bruño Nafarroatik eta Iban Thicoipe Baxenabarretik. Txapeldunari Alaia Martinek jantziko dio txapela.

• 
•