Europa Bat-Batean 2016-07-14

Kantu inprobisatua munduan kokatzeko eguna

 Laugarren eguna bete dute gaur Europa Bat-Batean ekimeneko udako topaketek. Goizeko jardunaldi akademikoetan, ahozko kantu inprobisatuak munduan duen balioaz aritu dira hizketan. Bertsolaritzaren ondare ez materialaren izendapenaz aritu dira Andoni Egaña, Joxean Muñoz eta Begoña Guzman. Ondoren, Ruth Finneganek azaldu du poesiak zer duen ahozkotik. Anthony Judgek, berriz, munduko ahots aniztasunari poesiak egin diezaiokeen ekarpena xehetasunez aztertu du.

 Omenaldia John Foleyri

 Euskal Herriarekin harreman estua izan zuen John Foley ikerlariak. Behin baino gehiagotan etorri zen bertsolaritza aztertzera. Omenaldia egin diote goizeko jardunaldietan, ikus-entzunezko baten bidez. John Zemkek esker oneko hitzak izan ditu Oral Tradizion ikergunearen izenean.

 Maparen aurkezpena

 Goizeko jardunaldiak bukatzeko, munduko kantu inprobisatuaren maparen aurkezpena izan da. Nere Erkiagak azaldu du ze lan egin den orain arte eta zer den hemendik aurrera egin beharrekoa.

• 
•