Igor Elortzak iritzi artikulua idatzi du 2009-05-27

"Afizioa, debozioa, ofizioa eta beste zenbait zio"

 Eskolarteko Txapelketak jokatzen ari dira egun hauetan. Bertan parte hartuko duten gazte batzuk plazaz plaza kantuan ibiliko dira, baina beste batzuk ez. Igor Elortzak horren inguruko iritzi artikulua idatzi du gaurko Berrian. "Bertsolaria jaio ala hil egiten den eztabaida erraza alde batera utzita, gu eta gutarron bazkalordu batean gaiaz ari ginela Josu Zabalak botatakoa dabilkit buruan. Berezko zerbait badagoela genioen guztiok. Baina zer? Debozioa bota zuen Josuk".

 Igor Elortzaren ustez, afizioa behar da bertsolari ona izateko.

 "20 urte plaza telebistan"

 Hitzetik Hortzerak 20 urte bete ditu aurten. Programaren historiari buruzko erreportajea idatzi du Beñat Zamalloak gaurko Berrian. Bertan, Joxerra Garzia, Josu Goikoetxea eta Jon Artanoren iritziak bildu ditu. Hasierako zailtasunak gaindituta, programak aurrera egin zuela diote. Aurten programak aldaketa handia izan du. Jon Artanork programa "jostagarriagoa, ludikoagoa, azkarragoa eta ikusteko errazagoa" egin nahi duela dio.

• 
•