Xenpelar Dokumentazio Zentroa 2016-10-07

Imanol Urbietaren bertso-doinuak

Imanol Urbieta musikari eta idazle zarauztarra hil berri dela, bertso doinuetan berak egindako ekarpena gogoratu nahi dugu. Bertsolaritzaren Datu Basearen doinutegi atalean bilaketa eginez gero, 32 doinuren sortzaile moduan agertzen da Imanol.

Horietako asko bere disko eta kasetetan argitaratutako haur kanta ezagunak dira, gerora asko erabili diren doinu bilakatuta: ”Euskara oi euskara”, “ Sagutxo batzuekin”...

Beste zenbait doinu bertsolariek eskatuta konposatutakoak dira: Andoni Egaña-ren “Begira nago jarria beraz” edo Mikel Mendizabal-en “Zer da gaur Donostian” edota “Oholtza da zabal zabala”; baita espresuki Bertsozale Elkarteak eskatuta ere: doinuen biltzaile eta katalogatzaile den Joanito Dorronsoro-ri omen egiteko Imanol Urbieta-ri eskatu zion Bertsozale Elkarteak “Joanito dugu iturri eta” doinua.

Hitzetik Hortzerak doinuak nola sortzen diren aztertu zuen 2001. urtean. Eta nola ez, orduko lan-taldeak Imanol Urbieta-rengana ere jo zuen. Berak doinua sortzerakoan zer bilatu izan duen, eta hori bertsolariak bere egin dezan nola ematen dion azaldu zuen Urbietak.

• 
•