Azkoitiako Baztartxo aretoan izango da, arratsaldeko 15etan 2009-05-28

Xabier Munibe bertsopaper lehiaketako sari-banaketa izango da gaur

DBH 1. eta 2. mailan Saioa Murua, Miren Jauregi eta Oihana Larrañaga izan dira irabazleak DBH 3. eta 4. mailan, berriz, Irati Artetxe Azkoitia.
 Gaur arratsaldean banatuko dira Xabier Munibe bertsopaper lehiaketako sariak. Arratsaldeko 15etan izango da sari-banaketa, Azkoitiako Baztartxo aretoan. Honako hauek izan dira sarituak:

 DBH 1. eta 2. mailan 3 pertsonarentzat izan da lehenengo saria: Saioa Murua, Miren Jauregi eta Oihana Larrañaga. Xabier Munibe ikastolakoak dira hirurak. Honako hau zuten gaia: "Mutil batek sentitzen duen maitasuna ezin adierazita dabil". Bigarren saria Aitor Servier Etchechurik lortu du, honako gai honekin: "Alpeetan gora". Hirugarren saria Ander Benitezentzat izan da. Xabier Munibe ikastolakoa da bera, eta "baserrian bizi nahi dut" gaiari jarri dizkio bertsoak. Azkenik, laugarren saria Xabier Munibe ikastolako Karitina Alberdi eta Itxaso Alberdik lortu dute, "Gaur egun" gaiarekin.

 DBHko 3. eta 4. mailetan, berriz, Irati Artetxe Azkotiak lortu du lehenengo saria. Xabier Munibe ikastolako ikaslea da bera. Honako gai honi jarri dizkio bertsoak: "Lurra eta baserria lapurtu dioten herritar baten hitzak". Bigarren saria Josu Irizar Alberdirentzat izan da. Floreaga Salestar ikastetxekoa da bera. Honako gai honi buruz idatzi du: "Italiako lurrikaretan bertan nengoen oporretan Txatean ezagutu nuen".

 Honez gain, Azkoitiarren artean sari berezia banatu dute. Arantxa Areizaga eta Mirari Arzallusek lortu dute sari hau. "Bere sentimenduak azaldu nahi ez dituen neska gaztea" gaiari jarri dizkiote bertsoak.

 Sari-banaketaren ondoren, Mikel Mendizabal, Imanol Lazkano eta Jokin Uranga librean kantuan ariko dira.

Albiste gehiago

Jone Uria Albizuri - Señora Sariketako Pameladuna 2024-06-14

«Goazen saiatzera irudikatzen nolakoa nahiko genukeen izatea lehia»

Jon Agirresarobe Lopetegi 'Torrotxo' - Bertsolari Bertsozale podkasta 2024-05-17

«Lagunartean bildu eta bertsotan egitea izan da bertsolaritzak eman didan gauzarik ederrena»

Anonyme Popularren agurreko kontzertuak maiatzean eta ekainean 2024-04-18

Anonyme Popular: 'Azken agurrak' bira Gasteiz, Baiona eta Bilbon

Maddi Aiestaran Iparragirre - Osinalde Sariko balorazioa 2024-04-08

«Helburua zen guretik kantatzea eta uste dut neurri handi batean lortu dugula»

Jone Larrinaga Dañobeitia - Bertsolari Bertsozale Podkasta 2024-03-28

«Bertsolaritzaren garapena aberatsagoa da espektatibarik gabe»