Aiaraldeko bertso-eskola 2017-01-26

Arabako lehenengo bertso-eskola

 35 urte bete dira jada Aiaraldeko bertsozale kuadrila bat Laudion biltzen hasi zenetik. Hortik sortuko zen Arabako lehenengo bertso-eskola: Aiaraldekoa. Lehendabiziko bilera haietan parte hartu zuen Pedro Bizkarguenagak.

 Tunelean argia

 10 urte inguruz, ostiralero-ostiralero Laudioko "Tunel" jatetxean elkartu ziren hutsik egin gabe. Pedro Bizkarguenagak azaldu duenez, Aiaraldean bertsolaritzak "tunelean argia" ikusi zuen.

 Eskualde osora zabaldua

 Gaur egun bertso-eskolan buru-belarri ari da lanean Izar Mendiguren. Laudioko lehenengo bilera haietatik zabalduz joan da proiektua eta, gaur egun, Aiaralde osora hedatua dago bertso-eskola. Hezkuntza arautuan bertsolaritzaren berri jasotzen dute ikasleek, eta bertso-eskolan ere taldetxo bat ari da. Orain Arabako Bertsolari Txapelketa prestatzen ari dira.

 Dena den, bertsozaletasuna zabaldu asmoz, bestelako proiektuak ere badituzte: Bertso Korrika eta Bertsotruk egitasmoak, Amurrioko urteroko jaialdia, Orduñako Gaztetxeko urteroko saioa...

• 
•