Xenpelar Dokumentazio Zentroa 2017-01-27

Bertso Eguna: Goierritarrak Paris-Dakar lasterketan

Bertso Egunaren ibilbide luzean atsedenaldia hartu da aurten eta Hitzetik Hortzerak ibilbide luze horrek eman duenaren errepasoa egingo du igandean; eta telebistan eskainiko denaren lagin txiki bat ekarri nahi izan dugu gaur hona.

Lehendabiziko urteetan omenaldiak egiten zitzaizkien bertsolariei, eta klasiko bihurtu ziren omenduei kantatutako agur zerrenda luzeak, amaieran Lakaren laguntzarekin kantatutako “Agur Jaunak”, eta Busturialdekoek (Ajuria, Enbeita) edo Tolosaldekoek (Telleria, Peñagarikano) ekar zitzaketen kopla eta doinu biziak.

Eta batez ere klasiko bihurtu zen Goierritarren jarduna: Goiburu, Mendizabal, Murua, Zeberiotarrak, Begiristain, Igartzabal, Murua... trebeak izan ziren entzuleen barreak eragiten. 1991ko Bertso Egunean talde horretako bi kide omendu ziren: Florentino Goiburu idiazabaldarra eta Patxi Iraola zaldibiarra. Bi horiek taldean kantatu ohi zuten baina egun horretan entzutea egokitu zitzaien goierritarrek Paris-Dakar lasterketa ospetsuan izan zituzten komeriak.

• 
•