Josu Goikoetxea 2017-02-23

"Uste dut bertsolariek plazan iniziatiba hartzeko garaia dela"

Josu Goikoetxeak 25 urteko bidea darama bertsolaritzan, gaztetxotan "giro erakargarri" hark harrapatuta. Eskolartekoan kantatua, antzerkizalea gaztetatik eta Hitzetik Hortzerako parodia izan zen bere lehenengotako lana, Elorrion, Bertsolari Gazteen Egun. Handik urte gutxira bertso programaren zuzendari jarri zuen Bertsozale Elkarteak. Telebista eta gai-jartzailetza eremua landu ditu batez ere. Bertso-trama farmatoaren sortzaile da, Elortza eta Maiarekin batean. Txapelketetan iruzkingile ere aritu izan da. Gai-jartzailetzan etenak egin ditu, azkena urte eta erdikoa, eta halako urruntze batean ikusten du Goikoetxeak bere burua. Urtean, saio kuttun batzuk egiten "eta listo. Hori da une honetan sentitzen dudana, eh" argitu du hala ere.

Goikoetxeak uste du bertsolariek euren autoretza hori jaialdietan ere gehiago erakutsi beharko luketela, tematikak proposazen, ekarpen pertsonalak egiten, beti ere oreka baten barruan. Gai-jartzailetza bertso-eskoletan modu sistematikoan lantzea proposatzen du.

Josu Goikoetxearen gai-jartzaile ikuspegia: tematika, bertsolarien parte hartzea, generoa...

Gai-jartzailetza gaur egun: zentralitatea, aintza, baldintzak...

Etorkizuneko erronka nagusiak: gai-jartzailetza lantzea, bertsolarien bikaintasuna mantentzea eta beste generoekin lankidetza.

Iruzkingiletza eta kritika

Bertso-trama: formatu berriaren bidea eta ekarpena.

Bertsolaritza telebistan: Hitzetik Hortzera parodiatzetik zuzendari izatera.

Lehen pausoak bertso munduan: eskolatik plazara