Nafarroako Bertsolari Txapelketa 2017-03-02

Asteburu honetan jokatuko dira azkeneko final-laurdenak

 Asteburu honetan bukatuko dira Nafarroako Bertsolari Txapelketako kanporaketetako saioak. Larunbatean eta igandean jokatuko dira laugarren eta bosgarren kanporaketak.

 Larunbatean Iruritan

 Larunbatean Iruritako Kultur Etxean izango da hitzordua, 17:30ean. Honako seikote hau ariko da kantuan Fernando Anbustegiren esanetara:

 Oskar Estanga
 Julen Zelaieta
 Amaia Elizagoien
 Josu Sanjurjo
 Ekaitz Astiz
 Saats Karasatorre

 Igandean Uharten

 Igandean osatuko dira final laurdenak, Uharteko Arte Garaikideko Zentroan jokatuko den kanporaketarekin. Arratsaldeko 17:30ean hasiko da saioa, Maider Ansa gidari dela. Honako bertsolari hauek jardungo dira kantuan:

 Eneko Fernandez
 Ander Fuentes "Itturri"
 Sarai Robles
 Xabier Maia
 Irati Majuelo
 Oskar Sanz de Acedo

 Sarrerak salgai

 Sarrerak eskuratzeko aukera dago oraindik ere. Ohi bezala, www.bertsosarrerak.eus atarian erosi ahal izango dira. Horrez gain, Iruritako saiorako sarrerak Elizondoko Fantxike dendan jarriko dira salgai eta Uharteko saiokoak Uharteko Kultur Etxean erosi ahal izango dira, 17:00etatik 21:00etara. Saioko egunean bertan ere izango da sarrerak lortzeko aukera, aretoetako leihatilak 16:00etan zabalduko baitira.

 Egin beharreko lana

 Bertsolari bakoitzak hamahiru bertso puntuagarri kantatu beharko ditu asteburuko saioetan. Honako hauek dira egin beharreko lanak:

 -Binaka, gaia emanda, hiruna bertso zortziko handian
 -Binaka, gaia emanda, hiruna bertso zortziko txikian
 -Binaka, gaia emanda, hiruna bertso hamarreko txikian
 -Kartzelako lana: Banaka, lehen puntua emanda, bi bertso zortziko txikian eta gaia emanda, bi bertso nahi den doinu eta neurrian

 Sailkapena

 Hemezortzi bertsolari sailkatuko dira finalaurrekoetara: bost saioetako irabazleak eta puntuazioz sailkatuko diren hamahiru. Oraingoz, hiru saio jokatuta, honela dago sailkapena:

 1.- Aimar Karrikak              344,5 puntu, zuzenean sailkatua
 2.- Eneko Lazkozek              344 puntu
 3.- Julio Sotok                 343,5 puntu, zuzenean sailkatua
 4.- Xabier Terrerosek           321,5 puntu, zuzenean sailkatua
 5.- Iñigo Olaetxeak             307,5 puntu
 6.- Iker Gorosterrazuk          300 puntu
 7.- Joanes Illarregik           299,5 puntu
 8.- Saioa Alkaizak              296,5 puntu
 9.- Kotte Plazak                290,5 puntu
 10.- Patxi Castillok            288,5 puntu
 11.- Oier Lakuntzak             288 puntu
 12.- Mikel Lasartek             284 puntu
 13.- Alazne Untxalok            280 puntu
 14.- Iban Garrok                273 puntu
 15.- Egoitz Gorosterrazuk       263,5 puntu
 16.- Ioar Taintak               262 puntu
 17.- Sahats Alemanek            251,5 puntu
 18.- Joana Zigandak             248 puntu

• 
•