EHUko Uda Ikastaroak 2017-04-24

Bertsolarien sormena eta kantaera aztertuko dira Udako Ikastaroetan

 Urtez urte, bertsolaritzak bere lekua irabazi du Euskal Herriko Unibertsitateko Uda Ikastaroetan. Aurtengo honetan ere bertsolaritzari buruzko ikastaro bat izango da Donostiako Miramar Jauregian.

 Bertsolarien Sormena eta Kantaera aztergai

 Aurtengoan Bertsolarien Kantaera eta Sormena izango dira aztergai, eta bertsolaritzaren inguruan lanean ari diren ikerlariak eta bertsolariak ariko dira hizlari lanetan. Honako hau da egitaraua:

 ABUZTUAREN 24an, OSTEGUNEZ: BERTSOLARIEN KANTAERA
 -9:15-10:15:  "Bertsolaritzaren prosodia: hitza eta musikaren arteko harremana ulertzeko gakoak". Ainhoa Aizpurua
 -10:15-11:15: "Bertsolarien kantaeraren bilakaera denboran zehar. Oiartzungo kasua". Itziar Navarro
 -11:15-11:30: Atsedenaldia
 -11:30-12:30: "Zer da doinua, zer da kantaera bertsolariarentzat?". Maialen Lujanbio
 -12:30-13:30: Mahai-ingurua: Ainhoa Aizpurua, Itziar Navarro eta Maialen Lujanbio

 ABUZTUAREN 24an, OSTEGUNEZ: BERTSOLARIEN SORMENA
 -9:15-10:15:  "Ahozko hizkeraren ezaugarriak bertsolarien bat-bateko jardunean". Eñaut Agirre
 -10:15-11:15: "Bertsoaren agenda. Bertsogintza eta hedabideak". Oihana Iguaran
 -11:15-11:30: Atsedenaldia
 -11:30-12:30: "Jarioa da sormenaren gakoa". Jon Martin
 -12:30-13:30: Mahai ingurua: Eñaut Agirre, Oihana Iguaran eta Jon Martin

 Ikerketak ezagutzeko aukera

 Bertsolaritzaren inguruan ikerketa ugari daude martxan une honetan, eta horiek ezagutzeko aukera izango da Udako Ikastaroetan. Besteak beste, Eñaut Agirre, Ainhoa Aizpurua eta Oihana Iguaran bertsolaritzaren inguruko doktore-tesiak gauzatzen ari dira orain, Mintzola Ahozko Lantegiari, EHUko Euskara eta Ikerkuntza Errektoreordetzei eta Mikel Laboa Katedrari esker.

 Izena emateko epea zabalik

 Izena emateko epea zabalik dago jada. Matrikularen prezioa 70 eurokoa da, baina maiatzaren 31 baino lehen izena ematen dutenek %15eko beherapena lortu ahal izango dute. Matrikula egiteko egin klik hemen.

 Ikastaroa bertsolaritzaren inguruko eragileei zuzenduta dago: bertso-eskolan dabilen edonori edo ahozkotasunean eta bertsolaritzan interesa duen edonori alegia.

• 
•