33.Basarri bertsopaper saria 2017-09-05

Ekaitz Goikoetxea irabazle Basarri sarietan

Beasaindarrak irabazi zituen 2017ko Basarri bertsopaper lehiaketako lehen eta bigarren sariak. Guztira 16 sortak hartu dute parte aurtengo edizioan. Sareko plazan entzun eta irakurri ditzakezu saritutako lanak.

33. edizioa izan du aurtengoa Basarri bertsopaper sariak. Irailaren 1ean Zarautzeko Modelo aretoan ospatu zen eta Lizardi sariketaren finalean tarte bat gorde zitzaion sari banaketa ekitaldia burutzeko. Lehiaketako sariak Xabier Txurruka, Zarautzeko alkateak, eta Nekane Iribar, kultura zinegotziak, eman zituzten. Aurtengo edizioko epaimahaikideak Andoni Egaña, Nahikari Gabilondo, Unai Mendizabal eta Rufino Iraola izan ziren.

Ekaitz Goikotxearentzat bi sariak

16 sorta aurkeztu ziren lehiaketara eta Ekaitz Goikoetxea, beasaindarrak, irabazi zituen lehen eta bigarren sariak. Lehenengo saria " Azken puntua" sortarekin irabazi zuen eta bigarrena, "Zer egin dizu bizitzak" sortarekin. Goikoetxeak eskerrak eman nahi izan zizkien Zarautzeko udalari eta Motzian bertso eskolari urtez-urte sariketa antolatzeagatik. Bestalde aitortu zuen sariok  berarentzat bereziak direla duten esanahiagatik: " Azken aldian tokatu zait aitona ikustera zaharren egoitzara joatea eta bertako errealitateaz ohartzeko aukera izan dut. Askok eta askok ez dute senideen bisitarik izaten eta horietako pertsona nagusi baten larrutik idatzi nahi izan dut lehenengo saria irabazi duen "Azken puntua" sorta. Bigarren saria jaso duen "Zer egin dizu bizitzak" sorta aldiz azken urteetan, tamalez, oso gertutik bizitzea tokatu zaidan suizidioaz mintzo da".

Bertsopaper sarituak irakurtzeko egin klik hemen.

Albiste gehiago

Ostiralean hasiko da 2018-01-16

Kuadrilla arteko beroa eta txapelketaren sua

Bertsolari Txapelketa Nagusia 2017 2017-12-12

Final handirako prest eta gogotsu

Sebastian Lizasok jantziko du txapela 2017-12-12

"Ohore handi bat da Lizasotarren izenean txapela jartzea"

IƱaki Murua - Bertsozale Elkarteko lehendakaria 2017-12-12

Joxe Lizasoren hilobian esan beharrekoa