UPV/EHUko Mikel Laboa Katedra 2017-10-19

Bertsolaritza ikergai ahozko lantegian

UPV/EHUko Mikel Laboa Katedrak antolatutako hitzordua lau hitzaldik eta bertso saioa berezi batek osatu zuten. Ane Labakak, Beñat Krolemek, Itziar Navarrok eta Jon Martinek beraien ikergaiak aurkeztu zituzten. Labakak, Bertsolaritzan garatutako umorea(k), genero ikuspegitik lana garatu du eta Navarrok, Bertsolarien kantaeraren bilakaera denboran zehar. Oiartzungo kasua lana. Jon Martin eta Beñat Krolemek aldiz esku artean dituzten doktore tesiak aurkeztu zituzten. Krolemena, Oholtza. Ahozko inprobisazioan zeharkako ibilbidea: irudia eta hitza. Martinena, Xabier Leteren bertso, olerki eta kanten analisia.

Ikus-entzunezko honetan hizlari bakoitzak bere lanaren gakoak ematen ditu, besteak beste, gaia hautatzearen zergatia eta motibazioa, proiektuaren norabidea etab.

OHOLTZA, Beñat Krolemen performancea

Hitzaldiak amaitu ostean Beñat Krolemek Oholtza performancea aurkeztu zuen. Kuboak eta bestelako elementuak baliatuz bertsolariak kantuan dihardutela irudiaren lanketa egitea helburu duen performancea hain zuzen ere. Atzokoan, Ane Labaka eta Jon Martin izan ziren kantuan aritu zirenak. Performancearen lagin bat ikusteko egin klik hemen.