Bertsolari Txapelketa Nagusia 2017 2017-11-01

Maialen Lujanbio irabazle Irunen

Gaur ospatu da Irungo Artaleku kiroldegian Bertsolari Txapelketa Nagusia 2017ko lehen itzuliko bigarren finalaurrekoa. Maialen Lujanbio nagusitu da eta saioa irabazita finalaurrekoen bigarren itzulian kantatzeko zuzeneko txartela irabazi du. Lujanbiok Donibane Lohizunen kantatuko du puntuazioz erabakiko diren beste bost bertsolarirekin batera. Irabazlearekin batera kantuan izan dira  Aitor Sarriegi, Alaia Martin, Maddalen Arzallus, Unai Agirre eta Aimar Karrika. Maite Berriozabalek egin ditu gai-jartzaile lanak. 2.200 bertsozalek bete dute Irungo Artaleku kiroldegia.

Honela sailkatu dira sei bertsolariak:

1- Maialen Lujanbio 750

2- Aitor Sarriegi 705

3- Unai Agirre 667,5

4- Alaia Martin 651

5- Maddalen Arzallus 634

6- Aimar Karrika 605

Bertsoaldi onenak sareko plazan

Irunen ospatu den saioko hautaketa zabala ikusgai egongo da gaur iluntzetik aurrera Bertsoa.eus sareko plazan. Bihar, kantuan jardun duten sei bertsolarien iritzi eta sentsazioak batuko dituen bideoa argitaratuko dugu.