Bertsolari Txapelketa Nagusia 2017 2017-11-19

Sustrai Colinak irabazi du Amurrioko saioa

Gaur jokatu da Bertsolari Txapelketa Nagusia 2017aren finalaurrekoetako bigarren itzuliko lehen saioa. Sustrai Colinak batu ditu puntu gehien, 701. Irabazlearekin batera kantuan jardun dute, Beñat Gaztelumendik Jon Maia, Nerea Ibarzabal, Jon Martin eta Etxahun Lekue bertsolariek. Amurrioko Bañueta kiroldegiak hartu ditu gaur sei bertsolariak eta 1325 bertsozalek jarraitu dute saioa zuzenean.

Honela sailkatu dira sei bertsolariak:

1- Sustrai Colina 701

2- Beñat Gaztelumendi 694,5

3- Jon Maia 681,5

4- Nerea Ibarzabal 675,5

5- Jon Martin 668,5

6- Etxahun Lekue 615

Amurrioko bertsoaldiak sareko plazan eta Aulki-Jokoa telebista programan

Gaur jokatu den Txapelketaren saioko bertsoaldien hautaketa zabala ikusgai egongo da gaur iluntzetik aurrera bertsoa.eus plaza digitalean. Asteartean gaur oholtzan kantari izan diren sei bertsolarien iritziekin osatutako bideoa argitaratuko dugu. Bihar astelehena, hilak 20, Edurne Azkaratek gidatzen duen Aulki-Jokoa saioan Amurrion gertatutakoaren berri izateko eta bertsoaldiak ikusteko aukera izango da iluntzeko 22:30etan ETB1en.